Skaneri intraoral Vs gjurma tradicionale. Një studim i huaj ka vlerësuar shkallën e precizionit

Për të realizuar një urë mbi implante është më preciz një model virtual nga një skaner intraoral apo një model tradicional nga një gjurmë precizioni me anë të kontaktit?
Një ekip kërkuesish të Iwate Medical University (Japoni) i udhëhequr nga Hitoshi Aijoka kanë publikuar së fundimi në PLOS, një studim që evidenton sesi progresi i teknologjive informatike ka sjellë një përmirësim të rëndësishëm të precizionit të skanerëve optikë.

Ekzistojnë studime të shumta që evidentojnë saktësinë e gjurmës optike për të riprodhuar kavitetin ose monkonët e dhëmbëve natyralë, kërkuesit kanë dashur të studiojnë saktësinë e një skaneri optik në zbulimin e gjurmës së një modeli master të një goje, të marrë nga një gjurmë konvencionale, në të cilën janë futur dy implante në zonën 45, 46 (Nobel Biocare) me abutment relativë të gjatë 5 dhe 7 mm.

Modeli është skanuar nga një skaner (Lava Chairside Scanner oral C.O.S., versioni 3.0.2, 3M ESPE). Precizioni është matur me një CNCCMM (Computer Numerical Control Coordinate Measuring Machine).
10 është numri i skanimeve të kryera me Lava Scanner edhe me CNCCMM. Distanca midis dy abutment të lidhur me implantet është një nga parametrat e marra në konsideratë, me diferenca me 20 mikron midis dy aparaturave.
Praktikisht të njëjtat rezultate të matjeve të këndeve të të njëjtave kunja që janë përdorur për marrjen e gjurmëve.

Autorët përfundojnë duke pohuar se në një studim analog të vitit 2013 gjurmët dixhitale nuk ishin kaq precize dhe që progresi i teknologjive informatike ka sjellë një përmirësim të konsiderueshëm në precizionin e skanerëve optikë. Kërkime të tjera do të kryhen për të studiuar pajisje që dalëngadalë do të vihen në treg.

Nën kujdesin e: Davis Cussotto, stomatolog

Përktheu: Valbona Spahia