Një kujdes dhe një përkushtim më i madh ndaj gojës redukton rrezikun e infraktit të miokardit. Rezultatet e një studimi tek pacientët gjerman

Kohët e fundit po flitet gjithnjë e më shumë për një lidhje të mundshme ndërmjet gjendjes së shëndetit oral dhe patologjive të tjera kronike, si për shembull sëmundjet kardiovaskulare, diabeti, sëmundjet e aparatit të frymëmarrjes, aparatit tretës dhe komplikimet e lidhura me shtatzëninë. Më specifik janë mekanizmat inflamator kronik të përfshirë në sëmundjen periodontale dhe bakteret që i mbështesin për të qenë të rrezikshme për shëndetin e përgjithshëm të pacientit, e bëjnë periodontitin një faktorë rreziku të vërtetë për zhvillimin e sëmundjeve kronike. Përveç kësaj disa sëmundje kronike mund të ketë një impakt të madh në shëndetin oral.
Prandaj, një higjienë orale e duhur është thelbësore jo vetëm për të parandaluar apo për të trajtuar sëmundjet e zgavrës së gojës, por edhe për të përmirësuar gjendjen shëndetësore të të gjithë trupit. Në maj 2015 u botua në Plos One një studim grupi që i përkiste 24.313 gjermanëve me moshë mesatare 13 vjeç. Nuk janë regjistruar të dhëna për sa i përket moshës, gjinisë, numrit të dhëmbëve, arsimit, punës, aktivitetit fizik, konsumit të alkoolit, pirjes së duhanit, medikamente kronike si antibiotikët, qetësues, vitamina dhe më pas u regjistrua incidenca e patologjive të tilla si hipertensioni, diabeti melit i tipit 2, infrakt miokardi, iktus, sëmundje periodontale dhe kancer përgjatë gjithë periudhës së follow-up - it.

Rezultatet e marra janë si më poshtë:
Numri i dhëmbëve është në përpjestim me rrezikun e infraktit të miokardit (HR: 0,97; 95% Cl: 0.96,0.99). Një korrelacion më i vogël u gjend ndërmjet numrit të dhëmbëve dhe iktusit në tru dhe asnjë raport me diabetin melit të tipit 2. Pjesëmarrësit me 18 - 23 dhëmbë dhe ato pa dhëmbë kanë 76% (95% Cl: 1.04,3) dhe 2.93 herë (95% Cl: 1,61, 5,18) rrezik më të lartë të infraktit të miokardit në krahasim me pacientët që i kanë pothuajse të gjithë dhëmbët (28 - 32 dhëmbë).

Kujdesi ndaj dhëmbëve dhe në përgjithësi i të gjithë gojës lidhet me shëndetin e përgjithshëm. Patologjitë kronike mund të krijojnë predispozita ndaj patologjive orale ashtu si patologjitë orale mund të krijojnë predispozita ndaj patologjive kronike. Ky studim i grupit është një konfirmim i fundit në literaturë që ka një lidhje të ngushtë ndërmjet sëmundjes periodontale dhe patologjive kardiovaskulare si infrakti i miokardit. Për këtë arsye është gjithnjë e më i nevojshëm aktiviteti multidisiplinor midis stomatologut, mjekëve të përgjithshëm dhe specialistëve.

Nën kujdesin e: Lara Figni, Koordinatore Shkencore e Odontoiatra33

Bibliografia:
PLoS One. 2015 May 6;10(5) Association between Number of Teeth and Chronic Systemic Diseases: A Cohort Study Followed for 13 Years. Autori: Oluwagbemigun K, Dietrich T, Pischon N, Bergmann M, Boeing H.

Përktheu: Valbona Spahia