Bruksizmi gjatë natës: "Botulinum" zgjidhja e mundshme? Përgjigjet nga literatura

Sipas përkufizimit të propozuar nga Lobbezoo dhe të tjerë në 2013, bruksizmi është një aktivitet i muskujve mastikatorë që përsëritet, karakterizuar nga shtrëngimi apo fërkimi i dhëmbëve dhe/ose nga një shtim i tonit muskulor mandibular. Kjo shfaqet në dy mënyra të ndryshme cirkadiane: mund të verifikohet gjatë gjumit (flitet për bruksizmin gjatë natës) ose gjatë gjendjes zgjuar (flitet kështu për bruksizmin gjatë ditës).
Bruksizmi gjatë natës është ndoshta një nga patologjitë me rritjen më të madhe në fushën odonto-stomatologjike; haset gjithmonë e më shpesh, lidhur me parafunksionet e përditshme që përfshijnë artikulacionin mastikator, të gjeneruar edhe nga gjendja e "stresit". Bëhet fjalë për një kusht patologjik që përfshin jo vetëm mjekësinë stomatologjike por dhe mjekësinë e gjumit, neurologjinë dhe psikologjinë: mund të ketë origjinë të ndryshme dhe pasoja klinike në secilën nga këto fusha.

Megjithatë duhet të kemi parasysh se përmirësimi i kushteve të shëndetit oral ka mbajtur në normën mesatare të popullsisë, një numër më të madh dhëmbësh, që në kohë kanë kaluar procese normale përdorimi që më parë nuk zbuloheshin, thjeshtë sepse dhëmbët humbnin ose zëvendësoheshin nga manifaktura protetike.
Injeksioni i toksinës botulinike të tipit A (BoTN-A) në muskujt maseter dhe temporal propozohet si terapi për bruksizmin gjatë natës sepse shfrytëzon efektin e paralizës parciale muskulore të përkohshme. Një efekt i tillë në mjekësinë estetike është shpesh i kërkuar; ekzistojnë dhe aplikime të tjera klinike për patologji si blefarospazma dhe strabizmi por nëse do të futej në mjekësinë e bazuar në prova dhe përdorimi i saj në stomatologji, mund të ndryshonte fatin e shumë pacientëve.

Një rishikim i kohëve të fundit i literaturës, publikuar në Clinical Oral Investigation, rreth terapisë së bruksizmit gjatë natës, nëpërmjet injektimeve të toksinës botulinike, përmbyll se një terapi e tillë mund të minimizojë simptomat dhe të reduktojë intensitetin e kontraktimeve ritmike mastikatore (RMMA), më tepër se patologjia në veten e saj.
Njëkohësisht është publikuar dhe një rishikim retrospektiv në International Journal of Oral maxilloacial Surgery, relativ me rezultatet klinike të përftuara nga injeksionet e toksinës botulinike të tipit A, simptomat e çrregullimeve temporo mandibulare (TMD) dhe të bruksizmit. Autorët përfundojnë se BoTB-A premton rezultate të mira për menaxhimin e një sëmundjeje kronike si TMD në mënyrë të veçantë në pacientë me çrregullime të muskujve mastikatorë që lidhen me një komorbiditet psikiatrik.

Edhe studime të tjera të mëparshme nuk e kishin dëshmuar shumë eliminimin e kontraktimit muskulor aq sa reduktimin e amplitudës së pikut të aktivitetit muskulor të regjistruar në EMG e kryer gjatë gjumit.
Të gjithë studimet nënvijëzojnë zbulimin maksimal të efikasitetit (reduktimi i simptomave subjektive si kërcitja dhe dhimbja e muskujve mastikatorë në zgjim) pas të paktën 5 javësh nga injektimi i toksinës.
Është e dukshme që janë të nevojshme studime të mëtejshme për të perfeksionuar njohuritë e disponueshme rreth argumentit, mbi të gjitha për sa i përket ndryshimit të efekteve rreth episodeve të bruksizmit (pra rreth efektivitetit) dhe efekteve rreth pasojave të mundshme të bruksizmit si dhimbja e muskujve mastikatorë (pra rreth efikasitetit).

Për këtë qëllim rekomandohen forcërisht studime klinike afatgjata, të randomizuara, double-blind dhe studime rasti kontrolli me një placebo me një diagnozë të kujdesshme të bruksizmit gjatë natës dhe vlerësimet objektive dhe jo subjektive.
Njohja e efekteve përfituese të toksinës botulinike mund të mundësojë një pasazh të rëndësishëm për një kuptim më të lartë të mekanizmave qendror dhe të psikologjisë së dhimbjes.

Nën kujdesin e: Lara Figini, Koordinatore Shkencore e Odontoiatria33

Për më tepër:
1. F. Lobbezoo, J. Ahlberg , A. G. Glaros ,T. Kato, K. Koyano , G. J. Lavigne ,R. De Leeuw, D. Manfredini, P. Svensson, E. Winocur: Bruxism defined and graded: an international consensus. Journal of Oral Rehabilitation 2013 40; 2-4
2. G. De la Torre Canales, M. Barbosa Câmara-Souza, C. Fraga do Amaral, R. Cunha, M. Rodrigues Garcia, D. Manfredini: Is there enough evidence to use botulinum toxin injections for bruxism management? A systematic literature review. Clin Oral Invest (2017) 21:727-734.
3. S.T.Connelly, J. Myung, R. Gupta, G. M. Tartaglia, A. Gizdulich, J. Yang, R. Silva: Clinical outcomes of Botox injections for chronic temporomandibular disorders: do we understand hoë Botox works on muscle, pain, and the brain?. Int. J. Oral Maxillofac. Surg. 2017; 46: 322-327.
4. Y. J. Shim, M. K. Lee, T. Kato, H. U. Park, K. Heo, S. T. Kim: Effects of Botulinum Toxin on Jaw Motor Events during Sleep in Sleep Bruxism Patients: A Polysomnographic Evaluation. J Clin Sleep Med., 2014 Mar 15; 10(3): 291-298.

Përktheu: Erjola Taga