Mbyllja e diastemave të shumta me restaurime direkte në kompozitë: rasti klinik fitues i Global Clinical Case Contest (Pjesa II)

Pas administrimit të anestetikut dhe zgjedhjes së ngjyrës së kompozitës (A1), sekstanti anterosuperior është izoluar me digë gome. Dhëmbët janë pastruar pa asnjë përgatitje dhe kështu shkojmë drejt një qasje jo invazive (Fig. 4)

Fig. 4: Izolimi i elementeve të sektorit anterosuperior

Sipërfaqet dentare janë gërryer për 30'' me DeTrey Conditioner® (shpëlarja më pas është kryer me përdorimin e sprajit me ujë për një kohë të paktën 30''), pra adezivi Prime&Bond Active® është aplikuar me metodën rubbing motion, fryrë për 5'' me spraj me ajër dhe fotopolimerizuar për 20'' (Fig. 5).

Fig. 5: Aplikimi i sistemit adeziv të gjeneratës V

Çelësi në silikon, i modifikuar ad hoc me përdorimin e një bisturie ka shërbyer për identifikimin e shtrirjes korrekte të restaurimeve në anë të qiellzës dhe për të ruajtur simetrinë e harkatës dentare. Një masë e vetme kompozite në çdo sipërfaqe ka qenë qëllimisht për të mbushur hapësirën boshe nga një dhëmb në tjetrin; në fakt Ceram X Universal është një kompozitë shumë performuese falë dhe karakteristikave optike dhe llojit të përthyerjes së dritës që është në gjendje të prodhojë: kjo ka lejuar realizimin e restaurimeve optimale estetike në hapësira shumë të ngushta pa pasur nevojë që të përdorim teknika të shtresëzimit të materialit, pra duke thjeshtuar procedurat (Fig. 6).

Fig. 6: Aplikimi i kompozitës në monomasë me përdorimin e çelësit të silikonit

Matricat seksionale Palodent® V3 janë përdorur për të përcaktuar në mënyrat më të mira të mundshme anët proksimale dhe profilet e emergjencës së dhëmbëve dhe për të krijuar zona oportune kontakti në mënyrë të thjeshtë dhe efikase (Fig. 7).

Fig. 7: Krijimi i sipërfaqeve proksimale me përdorimin e matricave seksionale Palodent V3

Pas konturimit dhe heqjes së tepricave të materialeve, mbi të gjitha në korrespondencë të sipërfaqeve cervikale dhe proksimale (të vizatosh linjat e tranzicionit me një laps apo një penel është një ndihmesë jo indiferente në këtë fazë) dhe përcaktimit të karakterizimeve anatomike në sipërfaqet vestibulare të dhëmbëve, faza përfundimtare është realizuar nëpërmjet përdorimit të sistemit të rifiniturës Enhance® (Fig. 8).

Fig. 8: Faza e përfundimit

Pra sistemi i lucidimit PoGo Polishing System dhe pasta Prisma Gloss na kanë shërbyer për të plotësuar fazën e lustrimit (Fig. 9).

Fig. 9: Faza e lustrimit

Pas një jave i kemi kërkuar pacientit që të kthehet për të kontrolluar adaptimin kromatik përfundimtar të restaurimeve që kanë rezultuar imitues dhe në përfundim adekuate, me një pamje shumë natyrale dhe një mbyllje efektive të diastemave (Fig. 10).

Fig. 10: Rezultati final një javë pas trajtimit

Konkluzione
Kompozitat e reja të pranishme në treg na lejojnë krijimin e restaurimeve të shkëlqyera direkte estetike, rezistente në kohë dhe ekonomike. Karakteristika e spikatur e kësaj qasjeje për mbylljen e diastemave është jo invazivitet: kjo është interesante mbi të gjitha kur gjendemi përballë trajtimit të pacientëve të rinj për të cilët preferohet që të zgjedhim një alternativë që të karakterizohet nga një kosto e ulët biologjike si dhe ekonomike.
Kompozita Ceram X Universal zotëron karakteristika befasuese optike dhe manovrimi: falë kësaj është bërë e mundur që të zgjedhim një teknikë apozicioni në mono-masë, kështu puna u thjeshtua pa hequr dorë nga një aspekt i tëri natyral i restaurimeve.
Modelet diagnostikuese me dyll dhe mock up, kanë qenë instrumente thelbësore për planifikimin e trajtimit për të kontrolluar atë që do të kishte qenë rezultati final dhe për të komunikuar me stomatologun dhe pacientin.
Megjithatë ky rast klinik është prova e rëndësisë së rolit që stomatologu mund të mbulojë në jetën e pacientëve të tij: duke përmirësuar estetikën e buzëqeshjes është e mundur të përmirësojmë mirëqenien e tyre të përgjithshme por edhe pajtueshmërinë dhe kujdesin për sa i përket kurës dhe shëndetit oral. Në distancë kohe nga trajtimi pacienti ka deklaruar se ka filluar të përdorë me ngulm fillin interdentar dhe se ka ndaluar duhanpirjen edhe për t'u kujdesur për një buzëqeshje që e kënaq dhe kjo pasuron në mënyrë domethënëse punën tonë.

Nën kujdesin e: dok. Maria Rosa Ferraro. Punimi ka fituar "Global Clinical Case Contest", në këtë link gjeni intervistën e autores.

Përktheu: Erjola Taga