Lezionet orale dhe HIV-i: roli i stomatologut

Lara Figini

Në nivel botëror 35 milionë persona janë prekur nga HIV. Ekzaminimi oral është një instrument me kosto të ulët që mund të përdoret për progresionin e sëmundjes së HIV-it dhe për të vlerësuar përgjigjen e terapisë antiretrovirale (ART). Kandidoza orale, leukoplakia me qime, herpesi labial dhe herpes simplex që përsëritet janë manifestimet orale që lidhen më shpesh me HIV-in dhe indikohen nga replikimi viral dhe imunosupresioni, ndërsa lythat oralë tregojnë rikrijimin imunitar.

Në një studim prospektiv të randomizuar të kontrolluar të publikuar në PLos One në mars 2016 tregohet rëndësia e rolit të stomatologut në vlerësimin e progresionit të sëmundjes së pacientëve të prekur nga HIV, në vlerësimin e përgjigjes së terapisë ART dhe në vendimin se kur të fillohet terapia antiretrovirale.
Ky studim është kryer në Qendrën GHESKIO në Port-au-Prince, Haiti ndërmjet viteve 2004 dhe 2009.

816 pjesëmarrës të prekur nga HIV me llogaritje të qelizave T CD4 ndërmjet 200 dhe 350 qeliza/mm³ janë përfshirë në studim dhe janë ndarë në mënyrë rastësore në dy grupe:
• Grupi 1 në të cilin terapia antiretrovirale ART është filluar menjëherë (N=408);
• Grupi 2 ose i vonuar ku ART është filluar vetëm kur infektimi i qelizave T CD4 rezultonte më i vogël ose i barabartë me 200 qeliza/mm³ ose me zhvillimin e një gjendjeje shpërthimi të sëmundjes (N=408).
Çdo tre muaj të gjithë pjesëmarrësit i janë nënshtruar një ekzaminimi oral. Incidenca e lezioneve orale rezulton 4,10 në grupin 1 dhe 17,85 në grupin 2 me ART të filluar me vonesë (vlera p < 0.01). në krahasim me grupin e parë, në grupin me ART të vonuar është verifikuar një incidencë në mënyrë të konsiderueshme më e lartë e kandidozës, leukoplakisë me qime, herpesit labial dhe herpesit simplex të përsëritur. Ndërsa incidenca e lythave oralë është rritur pas fillimit të terapisë antiretrovirale dhe në krahasim me grupin 1 në fillim të terapisë ART të parakohshme është verifikuar një rritje deri në 4 fish e lythave oralë kur ART është filluar pas një diagnostikimi me AIDS.

Në bazë të të dhënave të këtij studimi, kandidoza, leukoplakia me qime, herpesi labial dhe herpesi simplex i përsëritur tregojnë një situatë të dëmtimit serioz imunitar dhe nevojitet fillimi i terapisë antiretrovirale ART. Në të kundërt, lythat oralë janë një shenjë e rikrijimit imunitar pas fillimit të ART.
Një ekzaminim i kujdesshëm i kavitetit oral te pacientët e prekur nga HIV mund të ofrojë informacione të çmuara mbi progresionin e sëmundjes nga HIV dhe në zvogëlimin e llogaritjes së qelizave T CD4 duke udhëhequr fillimin e terapisë antiretrovirale ART.

Nën kujdesin e: Lara Figini, Koordinatore Shkencore e Odontoiatria33

Për më tepër: Diagnosis of HIV-Associated Oral Lesions in Relation to Early versus Delayed Antiretroviral Therapy: Results from the CIPRA HT001 Trial, Ashita S. Batavia, R. Secours, P. Espinosa, M. A. J. Juste, P. Severe, J. W. Pape and D, W. Fitzgerald, PLoS One. 2016; 11(3)

Përktheu: Valbona Spahia