Implante zirkoni me kurora me qeramikë integrale: rezistenca ndaj frakturës dhe përkuljes

Implantet në zirkon të ngarkuar me kurora me qeramikë integrale, në mënyrë që të mundësojnë një strukturë unike monolitike mund të përfaqësojnë një alternativë premtuese për implantet tashmë të konsoliduar në titan, kur nevojitet që të garantojmë rezultatin estetik maksimal.

Në krahasim me dhëmbin natyral me lidhjen e tij periodontale, ndërfaqja kockë/implant është e vijëzuar në mungesë të lidhjes, prandaj, transmetimi i forcave intraorale nga mbi-struktura në implant është më i fuqishëm se për dhëmbët natyralë. Në rastet e implanteve në zirkon, të restauruar me kurora në zirkon, janë regjistruar fraktura dhe të çara që nuk mund të lihen pas dore.

Kurorat e kryera me një material monolitik me modul të ulët elasticiteti mund të kompensojnë lidhjen e fortë të ankilozës kockë/implant si dhe modulin e lartë të elasticitetit të materialit implantar duke reduktuar ngarkesën totale mbi implant dhe mbi kockën rrethuese.

Në një studim in vitro të publikuar në Dental Materials Journal të nëntorit 2017 vlerësohet ngarkesa e frakturave të materialeve të ndryshme monolitike për kurora të suportuara nga implante në zirkon (zirkon, alumin, disilikat litiumi, qeramikë feldspathic dhe qeramikë e infiltruar me polimere) dhe të cementuara me cemente të ndryshme (Harvard LuteCem SE, Harvard Implant Semi-permanent, Multilink Automix, VITA Adiva F-Cem).

Në këtë studim janë analizuar:

• Rezistenca ndaj përkuljes
• Rezistenca ndaj frakturave të kurorave në materialet e ndryshme që janë përdorur
• Rezistenca ndaj shtypjes së cementeve të ndryshme që janë përdorur

Autorët kanë realizuar 250 kurora të molarëve të parë inferiorë të montuar në implante në zirkon, të ndara në 5 grupe në bazë të materialit të kurorës së përdorur:

• Grupi 1 (N 50): VITA YZ T në qeramikë zirkon
• Grupi 2 (N 50): VITA In-Ceram AL në qeramikë alumin
• Grupi 3 (N 50): VITABLOCS Mark II në qeramikë feldspathic
• Grupi 4 (N 50): VITA ENAMIC në qeramikë feldspathic me polimer të infiltruar
• Grupi 5 (N 50): IPS e.max CAD në qeramikë në litium disilikat

Çdo grup është ndarë në 5 nëngrupe sipas cementit të përdorur:

• nëngrupi 1: pa cement
• nëngrupi 2: Harvard Implant gjysmë-permanent, cement i dyfishtë provizor
• nëngrupi 3: Harvard LuteCem SE cement self-adhesive i dyfishtë
• nëngrupi 4: Multilink Automix cement adeziv i dyfishtë
• nëngrupi 5: VITA Adica F-Cem cement adesiv i dyfishtë
Vlerat e frakturave në ngarkesë të kurorave të fabrikuara me disilikat litiumi, qeramikë feldspathic dhe qeramikë të infiltruar me polimere janë rezultate superiore kur është përdorur një cement me rezistencë të lartë ndaj shtypjes. Vlerat e frakturës nga ngarkesa për kurorat në zirkon dhe alumin kanë rezultuar se nuk ndikohen nga lloji i cementit të përdorur. Për kurorat në disilikat litiumi (CE), qeramikë feldspathic (VM) dhe qeramikë të infiltruar me polimer (VE) është vënë re një rritje e vlerave të rezistencës ndaj thyerjeve me rritjen e vlerave të rezistencës ndaj shtypjes së cementit. Vlerat më të mëdha të rezistencës ndaj përkuljes janë regjistruar për zirkonin (YZ: 1174,8 ± 109,1 MPa), ato më të vogla për qeramikën feldspathic (VM: 128,0 ± 11,9 MPa).
Nga rezultatet e përftuara në këtë studim është zbuluar se për të arritur vlera të mjaftueshme të ngarkesës së frakturës për qeramikën feldspathic dhe të infiltruar me polimere është esenciale që të kryejmë cementimin me një cement adeziv.

Nën kujdesin e: Lara Figini, Koordinatore Shkencore e Odontoiatria33

Për më tepër:
Correlations between fracture load of zirconia implant supported single crowns and mechanical properties of restorative material and cement. Nadja ROHR, Sabrina MÄRTIN and Jens FISCHER. Dent Mater J. 2017 Nov 23.

Përktheu: Erjola Taga