Lezione orale nga tuberkulozi. Çfarë duhet të dimë dhe si t'i trajtojmë

Tuberkulozi (TB) është një sëmundje e shkaktuar nga infeksioni i Mycobacterium tubercolosis dhe karakterizohet nga një sëmundshmëri e lartë. Mushkëria është njësia mbizotëruese e prekur nga TB.
Nëse pacientët me TB nuk janë diagnostikuar dhe trajtuar në mënyrën e duhur dhe në mënyrë të menjëhershme, sëmundja mund të shkaktojë dëmtime të rënda fizike duke çuar ndonjëherë dhe deri në vdekje.

Tuberkulozi ekstrapulmonar prek pothuajse çdo njësi të ndryshme nga mushkëritë, edhe pse ndonjëherë shoqërohet nga sëmundje pulmonare. Nyjet limfatike janë njësitë që preken më zakonisht nga tuberkulozi pas mushkërive.

Lezionet nga tuberkulozi në nivelin e zgavrës së gojës janë të rralla dhe pjesa më e madhe janë me origjinë nga tuberkulozi pulmonar, pra mund të konsiderohet TB sekondar. TB primar në nivelin e kavitetit oral pa përfshirjen pulmonare është i rrallë dhe është gjetur se është më i zakonshëm te fëmijët dhe tek adoleshentët. TB sekondar në nivel të kavitetit oral përfaqëson mazhorancën më të madhe të rasteve të TB në këtë njësi, por incidenca është e ulët. Megjithatë diagnostikimi klinik i tuberkulozit në zgavrën e gojës është gjithmonë e më i vështirë dhe për shkak të kësaj gjëje të rrallë të tij në gjendjen aktuale nuk ekziston një protokoll efektiv i përcaktuar për trajtimin e kësaj gjendje.

Deri më tani janë raportuar vetëm 23 raste të tuberkulozit në nivel të kavitetit oral (Sezer 2004, Yashveer 2016). Ndër këto, njësitë më të zakonshme të lezionit përfshijnë gingivat, mukozën bukale dhe qiellzën. Të gjithë këto raste janë diagnostikuar përfundimisht nëpërmjet biopsisë incizionale dhe testit patologjik. Të gjithë pacientët kanë marrë një terapi farmakologjike dhe pjesa më e madhe e tyre ka pasur një rezultat të mirë klinik, me përjashtim të një pacienti që ka pasur një përkeqësim pulmonar pasi nuk kishte plotësuar terapinë e tij farmakologjike.

Në një studim klinik të publikuar në Oral Surg Oral Med Oral Pathol Oral Radiol të janarit 2018 autorët kanë analizuar 11 pacientë të prekur nga TB në nivel të kavitetit oral të trajtuar në departamentin e tyre nga viti 2012 në vitin 2016. Autorët kanë regjistruar dhe analizuar simptomat klinike, testet ndihmës, trajtimet dhe rezultatet.

Studimi ka përfshirë 6 meshkuj dhe 5 femra me një moshë mesatare 59 vjeç.

Pesë pacientë kanë shfaqur lezione në nivel gingival, 4 pacientë në nivelin e mukozës bukale, 1 pacient në nivelin e buzëve dhe 1 pacient në nivelin e mandibulës. Pesë pacientë kanë paraqitur ulcera, 5 pacientë një masë të mirëfilltë dhe 1 pacient osteomielit. Biopsia ekscizionale është kryer në 3 pacientë me anestezi lokale, heqja e masës është kryer në 7 pacientë me anestezi të përgjithshme dhe curettage të lezionit mandibular në 1 pacient.

6 pacientë pasi janë trajtuar dhe janë diagnostikuar të prekur nga TB në nivelin e kavitetit, nëpërmjet testit patologjik i janë nënshtruar më pas testit të Mantoux (test i derivimit protetik të purifikuar [PPD]) në një spital të specializuar për sëmundjet infektive dhe janë raportuar rezultatet pozitive për 4 pacientë. Këto pacientë kanë marrë një terapi të mëtejshme farmakologjike anti-TB.

Periudha mesatare e follow-up ka qenë prej 24,9 muaj dhe nuk janë verifikuar përsëritje.

Tuberkulozi në nivelin e zgavrës së gojës është i rrallë dhe nuk ka karakteristika specifike klinike. Kirurgjia ekscizionale rekomandohet si trajtimi i zgjedhur për të përftuar rezultate të mira klinike.

Nën kujdesin e: Lara Figini, Koordinatore Shkencore Odontoiatria33

Për më tepër:
• Sezer B, Zeytinoglu M, Tuncay U, Unal T. Oral mucosal ulceration: a manifestation of previously undiagnosed pulmonary tuberculosis. J Am Dent Assoc. 2004;135:336-340.
• Yashveer JK, Kirti YK. Presentations and challenges in tuberculosis of head and neck region. Indian J Otolaryngol Head Neck Surg. 2016;68:270-274.
• Clinical and pathologic analyses of tuberculosis in the oral cavity: report of 11 cases. Wu-tong Ju,Yong Fu, Ying Liu, Yi-ran Tan, Min-jun Dong, Li-zhen Wang, Jiang Li, e Lai-ping Zhong Oral Surg Oral Med Oral Pathol Oral Radiol gen 2018;125:44-51

Përktheu: Erjola Taga