Të humbësh dhëmbët i bën "keq edhe zemrës"

Një studim i American Heart Association, ka vlerësuar lidhjen me sëmundjen koronare

Nga Cussotto Davis

Shëndeti i gojës lidhet ngushtë me atë të zemrës. Një studim i kohëve të fundit të American Heart Assocaition, shoqata e kardiologëve amerikanë ka marrë në shqyrtim një kampion individësh midis 45 dhe 69 vjeç. Të humbësh më shumë se një dhëmb rrit me 23% riskun që të hasni një sëmundje kardiovaskulare.

Studimi i koordinuar nga Lu Qi, i Tulane University i New Orleans ka vlerësuar lidhjen midis humbjes së dhëmbëve dhe riskut të mëtejshëm të sëmundjes koronare të sapo filluar te femrat që kishin marrë pjesë në Nurses' Health Study dhe te meshkujt e Health Professionals Follow-Up Study.

Pjesëmarrësit kishin një moshë midis 45 dhe 69 vjeç dhe nuk kishin sëmundje kardiake. Të dhënat për dhëmbët natyralë ishin mbledhur në fillim të dy studimeve dhe një pyetësor ka zbuluar humbjen e mundshme të dhëmbëve në periudhën e kërkimit.

Me të njëjtët faktorë risku (dieta, aktiviteti fizik, pesha trupore dhe hipertensioni), të rriturit me 25-32 dhëmbë natyralë në fillim të studimit dhe ata që kishin humbur dy ose më shumë dhëmbë gjatë follow-up-it, kishin një risk të shtuar prej 23% për të hasur një sëmundje koronare në krahasim me ata që nuk kishin humbur asnjë dhëmb. Humbja e një dhëmbi të vetëm, nuk është lidhur me një shtim të riskut të sëmundjes koronare.

Të rriturit me më pak se 17 dhëmbë në fillim të studimit kishin 25% më shumë probabilitet për të zhvilluar sëmundje koronare në krahasim me ata që kishin nga 25 deri në 32 dhëmbë.

"Shtimi i riskut të kardiopatisë ishemike shkaktuar nga humbja e dhëmbëve ndodh" - sipas Lu Qi - "pavarësisht faktorëve tradicionalë të riskut për sëmundjet kardiovaskulare si hipertensioni, dieta, aktiviteti fizik, pesha trupore".

Për më tepër:
• Contribution of the Nurses' Health Studies to Uncovering Risk Factors for Type 2 Diabetes: Diet, Lifestyle, Biomarkers, and Genetics. Sylvia H. Ley, Andres V. Ardisson Korat, Qi Sun, Deirdre K. Tobias, Cuilin Zhang, Lu Qi, Walter C. Willett, JoAnn E. Manson, Frank B. Hu.
• Variant of Transcription Factor 7-Like 2 (TCF7L2) Gene and the Risk of Type 2 Diabetes in Large Cohorts of U.S. Ëomen and Men. Cuilin Zhang, Lu Qi, David J. Hunter, James B. Meigs, JoAnn E. Manson, Rob M. van Dam, Frank B. Hu.

Përktheu: Erjola Taga