|

Hipertensioni: Çfarë duhet bërë në fushën stomatologjike

Udhëzimet e reja të miratuara në 2017

Nga Figini Lara

Hipertensioni arterial është një gjendje e karakterizuar nga presioni i lartë i gjakut në arterie; që prek rreth 30% të popullsisë adulte të të dyja gjinive dhe te gratë është më i shpeshtë pas menopauzës.
Hipertensioni është konsideruar një faktor risku, që është një gjendje që rrit probabilitetin që të verifikohen patologji të tjera kardiovaskulare si: iktusi, insuficienca kardiake dhe disfunksioni kronik renal. E thënë në mënyrë jo shkencore: një vrasës i heshtur që godet pa paralajmërim. Sapo të zbulohet duhet të kurohet për të parandaluar dëmtimet e lartpërmendura.
Njohja e situatës së tensionit të pacientit është e rëndësishme edhe për stomatologun, sidomos nëse duhen kryer trajtime kirurgjikale ose në rastet kur duhet administruar anestezia me adrenalinë në sasi më të larta se normalja.
Shpesh pacienti nuk është në dijeni të gjendjes së tij hipertensive dhe në intervistat që duhen bërë gjithmonë përpara terapisë duhet kryer edhe një analizë për këtë faktor risku, ndoshta duke bërë një matje të tensionit të pacientit.

Tipologjia e kërkimit dhe mënyra e analizës
Pas plot 14 vjetësh vijnë udhëzimet e reja për hipertensionin të zhvilluara nga American College of Cardiology (ACC), nga American Heart Association (AHA) dhe nga 9 organizata të tjera shëndetësore, pas rishikimit të mbi 900 studimeve të publikuara.
Në krahasim me edicionin e 2003 është hequr kategoria e "pre-hipertensionit" (e treguar më parë nga vlerat 120-139 mmHg për presionin sistolik dhe 80-89 mmHg për atë diastolik) dhe është ulur niveli i normalitetit në 120/80 mmHg jo më 140/90.

Rezultatet
Përveçse kanë ulur fashat minimale të alarmimit, udhëzimet ACC/AHA të 2017 rekomandojnë edhe që të vendosen nivelet e presionit të gjakut (BP) mbi bazën e mesatares prej 2 apo 3 zbulimeve në të paktën 2 raste të ndryshme, duke klasifikuar BP në katër kategori (shih Tabelën 1), duke ulur fashën për zbulimin e sëmundjes dhe duke nënvizuar rëndësinë e matjeve të tensionit në shtëpi për të shmangur "efektin e këmishave të bardha".
Gjithashtu japin indikacionin që të përdoret një manshetë sphigomanometer të saktë, sepse nëse përdoret një që ka perimetër të papërshtatshëm për krahun e pacientit mund të rezultojnë lexime të gabuara.
Udhëzimet e reja sidoqoftë japin indikacione operative për këtë qëllim: për perimetrin e krahut 22-26 cm, të përdoret një manshetë e vogël (small) për adultë; për perimetrin e krahut 27-34 cm, të përdoret një manshetë standarde për adultë; për perimetrin e krahut 35-44 cm të përdoret një manshetë e madhe (large) për adultë dhe për perimetrin e krahut 45-52 cm, të përdoret një manshetë për adultë që përdoret për kofshën.

Përfundime
Pavarësisht se pjesa më e madhe e trajtimeve stomatologjike duhen konsideruar të sigurta edhe për nivelet e larta të tensionit, profesionistët duhet të jenë të ndërgjegjshëm që te pacientët me risk për hipertension ose me hipertension nivelet e presionit të gjakut (BP) duhet të mbahen nën kontroll përpara çfarëdolloj ndërhyrjeje kirurgjikale, ose përpara administrimit të bollshëm të anestetikut me adrenalinë.

Implikime Klinike
Është e këshillueshme që stomatologu të mbajë mend që fusha e asistencës shëndetësore është dinamike. Duhet të qëndrojmë të azhornuar dhe të mirë informuar për të dhënë kontribute të rëndësishme në shëndetin e pacientëve. Si komponent i rëndësishëm i ekipit të asistencës shëndetësore, mund të ekzaminojmë, të ndërgjegjësojmë dhe të japin instruksione duke biseduar me pacientët për shëndetin dhe risqet që lidhen me gjendjet mjekësore, duke mbajtur objektivin e rëndësishëm të "ndërlidhjes së stomatologut me shëndetin dhe mirëqenien e përgjithshme."

Tabela 1

Për më tepër: Miller CS, Glick M, Rhodus NL. 2017 Hypertension guidelines: new opportunities and challenges. The Journal of the American Dental Association April 2018;149(4):229-31.

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 70 votim / mesatar 3 )