Diabeti kundrejt Shëndetit oral, 10 gjërat që dentisti dhe pacienti duhet të dinë

Dekalogu për të rritur ndërgjegjësimin për lidhjen midis sëmundjeve

Prova të shumta shkencore konfirmojnë se diabeti mund të ketë komplikime të rëndësishme mbi kushtet e dhëmbëve dhe të gojës por vetëm 42% e pacientëve janë të vetëdijshëm dhe 49% nuk ka marrë kurrë informacionet rreth kësaj. Kjo pavarësisht se 28,5% përcakton "problematikën" e vetë shëndetit oral, 76% ka humbur një apo më shumë dhëmbë natyralë dhe shumë janë gjendur duke bashkëjetuar me gjakrrjedhje (43%) ose retraksion gingival (27,4%), tharje të gojës (35,6%), halitosis (25,6%) dhe ulcera të mukozës (20,4%).

Është ky kuadri që del në pah nga një hetim i prezantuar në Milano dhe trajtuar nga Shoqata Italiane e Diabetikëve (FAND) në bashkëpunim me Akademinë Italiane të Stomatologjisë Protetike (AIOP) në 270 italianë në moshë mbi 30 vjeç, të prekur nga diabeti i tipit 1 dhe 2.

Me objektivin për të ndihmuar personat me diabet që të kujdesen për shëndetin e tyre oral dhe në të njëjtën kohë të përmirësojnë marrëdhënien e tyre me dentistin e besuar, AIOP ka hartuar një dekalog specifik.

1. Pacienti diabetik ka faktorë risku më të lartë për fillimin e patologjive orale dhe periodontale por mund t'i kurojë me efikasitet ato nëse diagnostikohen në kohë.

2. Është thelbësore që diabetiku të kontrollojë në mënyrën e duhur infeksionet orale; dhëmbët e kompromentuar në mënyrë të pakthyeshme nga kariesi apo periodontiti duhet të ekstraktohen dhe mund të zëvendësohen nga implante me një plan trajtimi që të sigurojë një funksion të mirë mastikator.

3. Në rastin e terapive stomatologjike, dentisti duhet t'i shpjegojë pacientit në detaje planin e trajtimit, numrin e ndërhyrjeve të nevojshme, rezultatin e pritur dhe duhet të dijë se cila është shkalla e kontrolleve të glicemisë dhe faktorët e riskut.

4. Diabetiku që mban proteza fikse mund të ketë një risk për infeksion akoma dhe më të lartë nëse protezat e tij nuk janë krijuar në mënyrën e duhur dhe kështu favorizojnë akumulimin e pllakës bakteriale.

5. Materialet protetike nuk janë të gjithë njëlloj: pyesni dentistin se cilën do të përdorë dhe kërkoni që t'ju dorëzojë certifikatën e pajtueshmërisë protetike dhe certifikatën implantare.

6. Personi me diabet shpesh haset dhe me shqetësime të tjera si: reduktimi i prodhimit të pështymës. Kërkojini dentistit tuaj këshilla ushqimore ose farmakologjike për të ruajtur rritjen e aciditetit dhe për të ruajtur mukozat të mirë hidratuara.

7. Pacienti diabetik mund të zhvillojë lezione të mukozave orale: është thelbësore që protezat si fikse, si të lëvizshme të mos paraqesin zona që irritojnë mukozat.
8. Personi diabetik është më i ndjeshëm ndaj infeksioneve fungale. Higjiena orale dhe higjiena e protezave duhet të kurohen me kujdesin më të madh.

9. Për të gjithë pacientët por në veçanti për diabetikët është e nevojshme që dentisti të kontrollojë në mënyrë të rregullt dhe sistematike të gjithë zgavrën e gojës, duke regjistruar ndryshimet e mundshme të gjendjes së shëndetit.

10. Pacienti diabetik mund të kryejë anestezi normalisht dhe të vendosë implante, nëse glicemia është e kontrolluar mirë.

Përktheu: Erjola Taga