Hepatiti C dhe sëmundja periodontale

Ekziston një lidhje?

Nga Figini Lara

Pavarësisht përpjekjeve të kryera gjatë viteve të kaluara për të shtuar ndërgjegjësimin mbi mënyrat e trajtimit, infektimi nga virusi i hepatitit C (HCV) mbetet një problematikë e shëndetit të përgjithshëm.

Infeksioni viral i pa trajtuar çon në një inflamacion kronik të heparit me komplikime që lidhen me të si, cirroza hepatike dhe karcinoma hepatoqelizore. Përfshihen dhe një sërë manifestimesh ekstra-hepatike ndër të cilat krioglobulinemia, limfoma malinje, sindroma e Sjögren dhe lichen planus oral.

Gjithashtu ndryshimet e shkaktuara nga infeksioni në sistemin imunitar, në dietë dhe në stilin e jetesës të individëve të prekur mund të lehtësojnë zhvillimin e kushteve orale si sëmundja periodontale.

Ndryshime të rëndësishme verifikohen edhe në përbërjen e pështymës të pacientëve të prekur dhe të likidit gingival.

Tipologjia e kërkimit dhe mënyra e analizimit

Në një rishikim të kohëve të fundit të publikuar në Journal of Immunology Research, mars 2018 studiohet realizimi dydrejtimësh i inflamacionit periodontal dhe i infeksionit nga HCV për sa i përket manifestimeve klinike, shprehjes molekulare të biomarkatorëve në likidet orale dhe rëndësia e tij për mjekët, si stomatologët/periodontologët ashtu dhe hepatologët.

Në të ashtuquajturin rishikim kërkohet dhe që të përcaktohet nëse prania e inflamacionit periodontal mund të rrisë riskun për transmetimin e virusit të hepatitit C nëpërmjet likideve orale, në veçanti likidit krevikular gingival (GCF).

Rezultate
Nga rezultatet e këtij rishikimi përcaktohet se infeksioni nga HCV provokon një rënie të shëndetit oral të pacientëve të prekur. Sipas disa autorëve kjo është e lidhur me manifestime ekstra-hepatike të infeksionit ose që derivojnë nga implikimet sistematike (keqfunksionimi i sistemit imunitar) ose shkaktuar nga një sjellje shumë neglizhuese e pacientëve (higjienë e keqe orale dhe dietë jo korrekte).

Kompromentimi periodontal i pacientëve me infeksion nga HCV përfaqëson një reduktim të rëndësishëm të cilësisë së jetës dhe të mirëqenies. Gjithashtu janë identifikuar molekula të ARN-së virale dhe antitrupa në pështymën e likidit krevikular të pacientëve, duke ngritur pyetje të mëtejshme mbi transmetimin dhe qartësimin e sëmundjes.

Konkluzione
Nga të dhënat e zbuluara nga ky rishikim mund të përmbyllim se ekziston një marrëdhënie dydrejtimëshe midis sëmundjes periodontale dhe infeksionit nga HCV me implikime me ndikim të gjerë për pacientët ashtu dhe për mjekët, periodontologët dhe hepatologët.

Implikime klinike
Rezultatet e këtij rishikimi duhet të konfirmohen nga kërkime të mëtejshme, jo vetëm për sa i përket parametrave klinike por dhe nëpërmjet identifikimit të markatorëve specifikë në likidin krevikular (GCF).

Për më tepër:
• Gheorghe DN, Foia L, Toma V, Surdu A, Herascu E, Popescu DM, Surlin P, Vere CC, Rogoveanu I. Hepatitis C infection and periodontal disease: is there a common immunological link? J Immunol Res 2018 Mar 13;2018:8720101.

Përktheu: Erjola Taga