Sindroma e gojës që djeg

Cili trajtim është më efikas?

Nga Figini Lara

Sindroma e gojës që djeg (Burning Mouth Syndrome) karakterizohet nga prania e dhimbjes orofaciale kronike pavarësisht mungesës së çdo lloj lezioni të dukshëm në mukozën orale të pacientit.

BMS manifestohet si një dhimbje ose një ndjesi djegie, me origjinë të panjohur që prek indet e buta orale, më zakonisht gjuha por edhe buzët, qiellza, gingivat dhe mukoza bukale dhe më rrallë dyshemeja e gojës dhe orofaringu.

Nga vështirësitë e hasura nga profesionistët në të kuptuarin e etiologjisë së kësaj sindrome, një trajtim adekuat bëhet i vështirë dhe në literaturë janë të disponueshme opsione të ndryshme terapeutike.

Tipologjia e kërkimit dhe mënyra e analizimit

Në një rishikim të kohëve të fundit të publikuar në Clinical Oral Investigations, qershor 2018, kërkohet që t'i jepet përgjigje pyetjes: cili është trajtimi më i mirë për BMS?

Autorët e rishikimit kanë kryer një kërkim bibliografik nëpërmjet data bazës PubMed, Embase dhe SciELO të studimeve klinike të randomizuara të publikuara midis 1996 dhe 2016 mbi argumentin. Janë seleksionuar të gjitha studimet klinike të randomizuara që raportonin efektet e trajtimeve të ndryshme për BMS.

Të dhënat e përftuara nga artikujt e seleksionuar janë futur në tabela për analizat e mëtejshme, të ndara në pesë nënkategori në bazë të llojit të trajtimit të vlerësuar.

Rezultate

Në vijim të aplikimit të kritereve të përfshirjes dhe përjashtimit, 29 studime janë analizuar dhe ndarë në pesë nënkategori në bazë të llojit të trajtimit të përshkruar:

• trajtimi me barna antidepresivë
• trajtimi me acid alfa-lipoik
• trajtimi me agjentë fitoterapeutikë
• trajtimi me agjentë analgjezikë dhe antiinflamator
• trajtimi me terapi jo farmakologjike

Në secilën kategori rezultatet e zbuluara janë krahasuar për sa i përket metodologjisë së përdorur, dimensionit të kampionit, metodës së vlerësimit, pranisë ose mungesës së efekteve anësore dhe rezultateve të trajtimit.

Konkluzione

Analiza ka treguar se trajtimi me bazë të antidepresivëve dhe të acidit alfa-lipoik ka treguar rezultate premtuese.
Implikime klinike

Janë të nevojshme studime të mëtejshme për konfirmimin e të dhënave të zbuluara nga ky rishikim para se të disponojmë një strategji trajtimi të zgjedhjes së parë për pacientë të prekur nga BMS.

Për më tepër
Isadora Follak de Souza, Belkiss Câmara Mármora, Pantelis Varvaki Rados, Fernanda Visioli. Treatment modalities for burning mouth syndrome: a systematic review. Clinical Oral Investigations 2018;22(5):1893-1905.

Përktheu: Erjola Taga