Efikasiteti i kolutorëve me bazë të çajit jeshil në pllakën dentare dhe inflamacionin gingival

Rishikim sistematik dhe metanalizë

Nga Cussotto Davis

Shpëlarësit me bazë të çajit jeshil kanë të njëjtin efekt te gingivat si ato të bërë me një kolutor me bazë klorheksidine. Kjo është zbuluar nga një studim i kryer nga Ankita Mathur, DDS në Department of Periodontology pranë Patil Dental College and Hospital në Pune (India) dhe publikuar në Indian Journal of Dental Research.

Tipologjia e kërkimit dhe mënyra e analizimit

Çaji jeshil ka origjinë në Japoninë antike ku gjethet thaheshin pa procesin e fermentimit; në këtë mënyrë principet aktive antioksidante mbeten dhe në përgatitjen e çajin që pihet zakonisht. Të shumta janë efektet përfituese që i atribuohen kësaj pije për të cilën flitet shpesh në media.

Studimi i Mathur krahason efikasitetin e kolutorëve me bazë të çajit jeshil në krahasim me ata tradicionalë me klorheksidinë, në pacientë me gingivit të shkaktuar nga pllaka bakteriale.

Klorheksidina është konsideruar principi aktiv referues për periodontitin; të gjithë e njohin për efektet kolaterale - pigmentimi i dhëmbëve dhe çrregullimet në shije - dhe për këtë arsye kërkuesit kanë dashur të testojnë çajin jeshil që ka karakteristika antibakteriale natyrale.

Kërkimi është nisur nga një rishikim shkencor i data bazave të 7 studimeve klinike të randomizuara me 292 pacientë të përfshirë, që kanë krahasuar dy llojet e trajtimit të gingivitit nga pllaka bakteriale.

Konkluzione
Rezultatet dëshmojnë se nuk ka ndryshime domethënëse në reduktimin e pllakës dhe inflamacionit gingival midis kolutorëve me bazë të çajit jeshil në krahasim me produktet normale me klorheksidinë. Me interes të veçantë është prova se nuk ka asnjë efekt anësor me kolutorët me bazë të çajit jeshil.

Përfundon Mathur "Kolutorët me bazë të çajit jeshil mund të konsiderohen një alternativë e vlefshme në krahasim me ata me bazë të klorheksidinës për trajtimin e gingivitit, mbi të gjitha për mungesën e efekteve të padëshiruara".

Për më tepër:
Mathur A, Gopalakrishnan D, Mehta V, Rizwan SA, Shetiya SH, Bagwe S. Efficacy of green tea-based mouthwashes on dental plaque and gingival inflammation: a systematic review and meta-analysis. Indian Journal of Dental Research 2018;29(2):225-32.

Përktheu: Erjola Taga