Psoriaza dhe shëndeti oral: risku është periodontiti

Nga Davis Cussotto

Psoriaza është një sëmundje kronike autoimune e lëkurës që manifestohet me kruarje, skuqje të lëkurës, prani të njollave skuamoze përgjithësisht në bërryla dhe në lëkurën e kokës por mund të prekë pjesë të ndryshme të trupit.

Tipologjia e kërkimit dhe modaliteti i analizës
Nga një studim prospektiv të kryer nga Sirka Woeste, kërkuese në Kiel University Clinic of Conservative Dentistry and Periodontology (Gjermani) dhe së fundmi të publikuar në Journal of Investigative Dermatology, del se individët e prekur nga psoriaza kanë një risk të lartë për t'u prekur edhe nga sëmundja periodontale.

Kërkimi ka përfshirë dy kohorte me pacientë. Kohorti i parë përbëhej nga 100 individë të prekur nga psoriaza dhe kohorti i dytë nga 101 pacientë pa psoriazë. Shëndeti oral i vullnetarëve është vlerësuar me CPI (Community Periodontal Index [gjakosja, tartari, sondimi]) dhe DMF (decay, missing, filled teeth).

Pacientët përveç të tjerash kanë plotësuar një pyetësor për të shënuar moshën, statusin si duhanpirës, nivelin e instruksionit dhe zakonet e higjienës. Autorët kanë zbuluar kështu kuadron e plotë të gjendjes orale të të dy grupeve; në literaturë nuk ekzistonin në fakt të dhëna koherente dhe gjithëpërfshirëse mbi shëndetin oral të individëve të prekur nga psoriaza.

Dy analizat statistikore të kryera janë:
1. Lidhja e pacientëve me moshën, zakonet e higjienës, indekset e masës trupore dhe nivelet e instruksionit të ngjashëm që i përkisnin kohorteve të ndryshme që kanë identifikuar 53 çifte pacientësh;
2. Analiza e regresionit logjistik që duke u nisur nga një kohort unik me 201 pacientë mund të identifikojë nëse psoriaza mund të jetë një faktor risku pavarësisht nga sëmundja periodontale.

Rezultate
Sipas analizave të lidhjeve, pacientët me psioriazë kanë një situatë periodontale në mënyrë të konsiderueshme të përkeqësuar në krahasim me ata pa psoriazë. Indekset e gjakosjes dhe CPI paraqisnin vlera më të këqija. Analiza e regresionit logjistik ka konfirmuar që psoriaza është një faktor risku për sëmundjen periodontale. Gjakosja, thellësia e sondimit periodontal dhe pikët e tjera të CPI rezultojnë më të larta.

Konkluzione
Menaxhimi i psoriazës, përfundojnë autorët, duhet të përfshijë kontrolle të rregullta mbi gjendjen e dhëmbëve dhe atë periodontale e duhet të kërkohet trajtimit përkatës. Dy patologjitë në fakt kanë të përbashkët faktorin e riskut, patogjenezën inflamatore dhe faktorët gjenetikë që duhet të hetohen me studime të mëtejshme.

Për më tepër:
Woeste S, Graetz C, Gerdes S, Mrowietz U. Oral health in patients with psoriasis - a prospective study. Journal of Investigative Dermatology. In Press.

Përktheu: Valbona Spahia