Konsumimi i alkoolit dhe periodontiti

Nga Lara Figini

Mekanizma të ndryshëm biologjikisht të besueshëm mund të shpjegojnë efektet e dëmshme të konsumimit të rregullt dhe vlerat shumë mbi normalen të alkoolit mbi shëndetin periodontal.

Disa studime kanë treguar që konsumimi i alkoolit në sasi mbi normalen mund të ndikojnë përgjigjen imunitare të bartësit, duke rritur nivelet e citokinave inflamatore, duke ndryshuar funksionin e neutrofileve dhe makrofagëve, duke shtuar rritjen bakteriale dhe duke rritur ndjeshmërinë ndaj infeksioneve. Për më tepër, konsumimi në të njëjtën kohë i alkoolit dhe duhanit mund të ketë efekte të dëmshme më të mëdha.

Tipologjia e kërkimit dhe modaliteti i analizës
Në një studim klinik, të publikuar në European Journal of Oral Science në qershor 2019 autorët kanë ekzaminuar nëse përdorimi i alkoolit mund të influencojë xhepat periodontalë gjatë një periudhe follow-up 4 vjeçare.

Studimi ka përfshirë pjesëmarrës me moshë ≥30 vjeç, të shëndetshëm nga ana periodontale dhe që nuk janë prekur nga diabeti ose artriti reumatoid. Në follow-up janë matur qoftë zhvillimi i xhepave periodontalë qoftë numri i dhëmbëve me xhepa periodontalë. Konsumimi i alkoolit është matur si gram/në javë, me frekuencë dhe sasi mbi limitin e riskut.

Raportet e normës së incidencës, me 95% Cl, janë vlerësuar duke përdorur modelet e regresionit binomial negativ dhe modelet e regresionit të Poisson me një vlerësues të variacionit të fuqishëm.

Rezultate
Nuk është zbuluar ndonjë lidhje ndërmjet variablave alkoolike dhe zhvillimit të xhepave periodontalë në popullsinë totale dhe ndërmjet duhanpirësve.

Ndërmjet duhanpirësve, në fakt, është hasur një lidhje pozitive në bazë të frekuencës së përdorimit të alkoolit. Në përgjithësi, vlerësimet e riskut kanë rezultuar të jenë shumë pak më të larta për gratë sesa për burrat.

Konkluzione
Nga të dhënat e nxjerra nga ky studim, që duhen konfirmuar me punime të tjera analoge, mund të dalim në përfundimin se konsumimi i lehtë ose i moderuar i alkoolit nuk lidhet me zhvillimin e xhepave periodontalë.

Implikime klinike
Në një follow-up për 4 vjet, konsumimi i lehtë ose i moderuar i alkoolit nuk mund të konsiderohet një faktor risku për zhvillimin e xhepave periodontalë.

Efektet e dëmshme të konsumimit të alkoolit në periodontium në fakt duken se varen nga gjinia dhe duhanpirja.

Për më tepër:
Sankaranarayanan R, Saxlin T, Ylöstalo P, Khan S, Knuuttila M, Suominen AL. Alcohol use and periodontal pocket development: findings from a 4-yr longitudinal study. Eur J Oral Sci 2019 Jun;127(3):232-40.

Përktheu: Valbona Spahia