Një trajtim i ri për defektet angulare

Nga Alessandra Abbà

Defektet angulare janë shenja të progresionit të sëmundjes periodontale. Për të përballuar këtë problem shumë teknika janë studiuar apo vlerësuar dhe teknika të reja janë në pritje për t'u hetuar. Procedurat rezektive dhe rigjeneruese janë aplikuar për trajtimin e defekteve intrakockore periodontale.

Objektivi përfundimtar i periodontologjisë është që të rigjenerojë strukturat periodontale që janë dëmtuar me proteina endogjene biologjikisht aktive.

Për shembull, PRGF është përgatitja autologe e pasuruar me mediatorë biologjikë që promovojnë rigjenerimin e indeve qoftë të fortë qoftë të butë. Metformina (MF) është një nga barnat hipoglicemizues oralë që përdoret më shpesh për trajtimin e diabetit melit të tipit II. Studimet kanë treguar një efekt osteogjenik të drejtpërdrejtë të MF-së tek osteoblastet në kulturë.

Tipologjia e kërkimit dhe modaliteti i analizës
Në një studim të kontrolluar të randomizuar, të publikuar në J Dent Res Dent Clin Dent Prospects në 2019, është vlerësuar efekti i PRGF me 1% të biofilmit të metforminës në trajtimin e defekteve periodontale intrakockore në dy parete. Ky studim është projektuar si një studim i randomizuar, në double blind (pacient, mjek); janë përfshirë 8 pacientë (me moshë mesatare 35 vjeç) me periodontit kronik të moderuar dhe defekt intrakockor në dy parete.

Pacientët janë ndarë në mënyrë rastësore në 2 grupe: debridement, metforminë me 1%, PRGF, PRGF dhe metforminë (MF). Udhëzimet për higjienën orale, ridimensionimi dhe planifikimi i rrënjëve (SRP) janë siguruar për të gjithë pacientët që të arrijnë një nivel të kënaqshëm të biofilmit përpara ndërhyrjes kirurgjikale.

Të gjitha procedurat kirurgjikale janë kryer nga i njëjti person: incizioni intrasulkular me ngritjen e lembo mucoperiosteal, debridement i indit të granulimit, SRP nëngingival dhe shpëlarja me solucion salin normal. Pra, pacientët janë ndarë në grupe në bazë të ndarjes rastësore që është përcaktuar.

Parametrat e thellësisë së sondimit vertikal, niveli i sulmit klinik vertikal dhe indeksi gingival janë matur në bazë (T0), menjëherë përpara ndërhyrjes (T1) apo 3 (T2) dhe 6 muaj pas ndërhyrjes (T3). Për më tepër, ndryshimet radiografike janë vlerësuar me radiografi dixhitale përpara dhe 6 muaj pas ndërhyrjes kirurgjikale.

Analiza e rezultateve është kryer me matjet e përsëritura, testin e Friedman dhe testin Chi-squared.

Rezultatet
Aplikimi i PRGF me metforminë 1% te defektet periodontale intrakockore në dy parete ka rezultuar efikas në përmirësimin e parametrave klinikë, por jo në mënyrë të konsiderueshme e ndryshme nga grupet e tjera.

Vetëm analiza radiografike ka treguar përmirësime të konsiderueshme.

Për më shumë informacione:
Khalifehzadeh S, Haghanifar S, Jenabian N, Kazemi S, Hajiahmadi M. Clinical and radiographic evaluation of applying 1% metformin biofilm with plasma rich in growth factor (PRGF) for treatment of two-wall intrabony periodontal defects: a randomized clinical trial. J Dent Res Dent Clin Dent Prospects 2019 Winter;13(1):51-6.

Përktheu: Valbona Spahia