Kanabinoidet mund të ndihmojnë në trajtimin e sëmundjes periodontale. Rezultatet nga një kërkim amerikan

Duket se është pikërisht kështu, sipas një hetimi retrospektiv në literaturën shkencore të publikuar nga Alvin H Danenberg periodontolog Amerikan, në "Journal of Neuroinflammation."

Në organizmin tonë ekzistojnë receptorë të ndryshëm kanabinoid, më të studiuarit janë CB1 të sistemit nervor dhe CB2 të lokalizuar në sistemin imunitar në veçanti në limfocitet T dhe në shpretkë.

Stimulimi i këtyre të fundit duket se është përgjegjës kryesisht për veprimin anti-inflamator dhe imunomodulator të kanabinoideve.

Kur receptorët janë të dëmtuar, ka një gjendje vuajtje për organizmin dhe kontributi i jashtëm i kanabinoideve mund të jetë përfitues.
Ndër kanabinoidet ekzogjene derivate nga bima e kërpit, më i përdoruri është kanabidioli CBD që nuk ka të bëjë fare me tetrahidrokanabinolin THC derivat nga marijuana. CBD ka një efekt psikoaktiv të reduktuar dhe ka qenë objekt i disa studimeve te kafshët, që dëshmojnë kapacitetin për të reduktuar humbjen e kockës gjatë sëmundjes periodontale.

Dr. Danenberg është një periodontolog që ka një vizion gjithëpërfshirës ndaj sëmundjes periodontale që shikon mënyrën e ushqyerjes si një përcaktues të shëndetit njerëzor; mungesa ose teprica e elementeve ushqyes në një qelizë të vetme ka efekte në të gjithë personin.

Kjo qasje në mënyrën e ushqyerjes ndaj patologjisë njerëzore gjen aplikimet e saj edhe në periodontologji për parandalimin e ripërthithjes kockore.

"Janë në pritje studime të mëtejshme klinike në njerëz," - përfundon, - "kërkuesi, por i bindur që integratorët ushqimorë me bazë CBD mund të jenë një suplement shumë i mirë terapeutik i sëmundjes periodontale."

Nën kujdesin e: Davis Cussotto, stomatolog

Përktheu: Erjola Taga