Si të sillemi dhe çfarë rrezikohet kur pacienti "gëlltit" implantin

Mund të ndodhë që kur jemi duke manovruar me kaçavidë për të shtrënguar implantin, ai rrëshqet duke përfunduar mbi gjuhë. Pacienti acarohet, nuk qëndron pa lëvizur, asistenti nuk është mjaftueshëm i shpejtë për ta aspiruar dhe ai përfundon nën gjuhë, pacienti përcillet dhe e gëlltit.

Një ndodhi e ngjashme ka ndodhur me pacientin e një dentisti në Cuneo. "Gëlltiti vidën te dentisti: Ka kaluar 16 ditë makthi" ishte titulli në kronikën lokale.

Sipas artikullit pacienti ishte drejtuar te dentisti i tij për një ndërhyrje implantologjike të programuar, dentisti ka filluar trajtimin kur implanti i ka rrëshqitur dhe ka përfunduar në fytin e pacientit.
Artikulli saktëson: "Menjëherë sapo dentisti, profesionist prej shumë kohësh, vuri re se çfarë ndodhi është përpjekur që t'i nxjerrë objektin pacientit por tashmë ishte shumë vonë".
Opsioni i dytë ishte dërgimi i pacientit në shtëpi duke shpresuar që implanti "të dilte" në rrugë natyrale, por nuk ndodhi kështu.
Supozohet se pas disa ditësh, pacienti ka filluar të ankohet nga dhimbje barku dhe ka shkuar pranë Ndihmës së shpejtë në spitalin lokal ku grafitë dhe Tac kanë lejuar që të identifikohet vida që 16 ditë më pas mjekët vendosën që ta hiqnin me një sondë.
Pacienti ka deklaruar se "ka vendosur që të mos reagojë ligjërisht karshi dentistit".

Ndodhia na ka bërë kurioz dhe për këtë ka folur prof. Massimo Amato për të kuptuar përgjegjësitë e mundshme të profesionistit dhe cilat mund të ishin reagimet e pacientit.

"Besoj se një incident përkufizohet i tillë kur rastësia e rrethanave, e përcakton atë nga shkaqe jo të parashikueshme (kollë, lëvizje të ekzagjeruara të pakontrolluara ose rrëshqitje e materialit nga lagia e tepërt e dorezave etj.). Një profesionist për më tepër i njohur nga pacienti si serioz, ka tendencën vetëm që të kryejë terapinë e tij për një kënaqësi reciproke të palëve. Prandaj më duket se, duke parë atë që është raportuar në artikull, pacienti me sinqeritet absolut ka pranuar si meritat ashtu edhe ndodhinë aksidentale të fakteve".

Duke pasur parasysh këtë prof. Amato pranon se nëse pacienti do të donte të niste një proces për dëmet, do të kishte të gjithë elementet për ta bërë, edhe nëse përcaktimi i sasisë së dëmeve është relativ vetëm me kohët e nevojshme të terapisë së kryer në ambient publik, për të eliminuar implantin nga zorrët. "Duket," - vijon ai, - "se mund të afirmojmë se shifra, pa dëme të përhershme, është në rënie vetëm mbi një humbje të mundshme të aktivitetit të punës dhe pak mbi të tjerat. Prandaj në marrëveshje me pacientin, jam i sigurt që kolegu do të kryejë një reduktim të veçantë të preventivit për të mbyllur mirë incidentin dhe për të vazhduar një raport të shëndetshëm dhe të bazuar te besimi. Kjo përcakton atë që është gjithmonë e më komplekse për t'u kultivuar në praktikën e përditshme".

Përktheu: Erjola Taga