Pacientët e prekur nga periodontiti: interesi ndaj një trajtimi ortodontik

Nga Lara Fagini

Periodontiti në stadet e tij më të avancuara mund të çojë në vendosje të parregullt apo grumbullim të dhëmbëve që dëmtojnë estetikën dhe krijojnë një situatë të pakëndshme për pacientët.
Trajtimi ortodontik mund të drejtojë me sukses migrimin patologjik të dhëmbëve dhe të çojë në përmirësim të stabilitetit periodontal tek individët me periodontit.

Në dekadat e fundit, në krahasim me të kaluarën është verifikuar një vëmendje më e madhe ndaj trajtimeve periodontike-ortodontike, por sa janë të interesuar vërtet pacientët me periodontit që të kryejnë një trajtim ortodontik për të drejtuar dhëmbët dhe për të përmirësuar estetikën e tyre?

Tipologjia e kërkimit dhe modaliteti i analizës
Në një studim, të publikuar në Journal of Periodontology në Shtator 2019, autorët kanë hetuar nëse pacientët adultë që janë prekur nga periodontiti kronik i moderuar apo i rëndë janë të gatshëm t'i nënshtrohen një trajtimi ortodontik për të drejtuar dhëmbët dhe cilët faktorë ndikojnë.

Autorët kanë zbuluar matjet dhe treguesit periodontalë dhe ortodontikë të 115 pacientëve adultë me periodontit të moderuar apo të rëndë. Pjesëmarrësit në studim janë ftuar që t'i përgjigjen një pyetësori që hetonte mbi të dhënat demografike të pacientëve, cilësinë e jetës së tyre dhe interesin që t'i nënshtrohen trajtimeve ortodontike.

Lidhjet ndërmjet të dhënave klinike, përgjigjeve të pyetësorit dhe interesit për një trajtim të mundshëm ortodontik për drejtimin e dhëmbëve janë analizuar edhe në bazë të moshës së pacientit dhe është përpunuar një model regresioni i shumëfishtë i përshtatshëm për gjininë.

Rezultate
Dy të tretat e pjesëmarrësve kanë deklaruar se janë të interesuar në terapinë ortodontike dhe donin të ruanin dhëmbët e shëndetshëm e të bukur estetikisht sa më gjatë të jetë e mundur. Është zbuluar një lidhje e rëndësishme ndërmjet estetikës dentare të kompromentuar subjektivisht dhe interesit për të ndërmarrë një trajtim ortodontik vendimtar.

Megjithatë, nuk janë gjetur lidhje ndërmjet shkallës së periodontitit, drejtimit të dhëmbëve dhe aspektit demografik të pacientëve dhe gjinisë. Individët më të moshuar kanë qenë në mënyrë të konsiderueshme më të interesuar ndaj trajtimit ortodontik.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se një numër i konsiderueshëm i pacientëve adultë me periodontit janë të interesuar që të kryejnë një trajtim ortodontik për të përmirësuar drejtimin e dhëmbëve.
Megjithatë, grada e periodontitit dhe keqpozicionimi i dhëmbëve, përveç faktorëve demografikë, mund të jetë e pafavorshme ndaj arritjes së një rezultati të mirë të trajtimit.

Implikime klinike
Dentistët duhet të japin informacione që kanë të bëjnë me pacientët që dëshirojnë të drejtojnë dhëmbët në rastin e periodontitit të moderuar ose të rëndë dhe të lejojnë përfundimisht planifikimin e trajtimit interdisiplinor.

Për më tepër:
Hirschfeld J, Reichardt E, Sharma P, Hilber A, Meyer-Marcotty P, Stellzig-Eisenhauer A, Schlagenhauf U, Sickel FE. Interest in orthodontic tooth alignment in adult patients affected by periodontitis: a questionnaire-based cross-sectional pilot study. J Periodontol 2019 Sep;90(9):957-65.

Përktheu: Valbona Spahia