Nxehja e kockës gjatë futjes së implantit në titan kundrejt implantit në zirkon

Nga Lara Figini

Edhe pse titani përdoret me sukses në implantologjinë dentare tashmë prej më shumë se 5 dekadash, ka një kërkesë në rritje për një alternativë jo metalike.

Materiali alternativ sigurisht duhet të ruajë vetitë e mira të titanit dhe nëse është e mundur edhe të përmirësojë apo të eliminojë disavantazhet.

Kërkesa primare e pacientëve është më shumë ajo për estetikën, duke dashur që të shmangin çngjyrosjen si në gri të indit të butë perimplantar.

Prandaj futja e implanteve qeramike ose në zirkon që përmbushin kërkesat estetike të pacientëve por kanë disavantazhin, duke marrë parasysh atë që thuhet në studime klinike të ndryshme, që të plotësojnë kërkesat më lehtësisht në krahasim me implantet në titan, një humbje e parakohshme që zakonisht nuk shkakton asnjë inflamacion klinikisht të dukshëm.

Ky fenomen, i përshkruar si lirimi aseptik është shkaktuar nga një mungesë osteointegrimi, për të cilin duhet identifikuar shkaku.

Një hipotezë është ajo që gjatë futjes së implantit në qeramikë mund të ketë një risk më të madh për nxehje të tij në krahasim me titanin për shkak të përçueshmërisë së ndryshme termike. Ngrohja mund të çojë në një dëmtim ose në shkatërrim të kockës që është në kontakt me sipërfaqen e implantit.

Tipologjia e kërkimit dhe modaliteti i analizës
Në një studim in vitro, të publikuar në Journal of Clinical Medicine në shtator 2019, autorët kanë hetuar shpërndarjen e nxehtësisë së zhvilluar gjatë procesit të futjes së implantit në kockën e kafshëve në varësi të materialit të përdorur.

Autorët kanë futur implante në titan dhe implante në zirkon, identikë në makro-dizajn dhe në kushte të kontrolluara dhe të mbivendosura, në një brinjë gjedhi të temperuar në 37°C.

Temperatura është matur në dy pjesë kockore nëpërmjet një telekamere me rreze infra të kuqe.
Gjashtë grupet eksperimentale janë si në vijim:
• implante në zirkon të stampuar;
• implante në zirkon me sipërfaqe me kokrriza;
• implante në zirkon me sipërfaqe me kokrriza dhe të acidifikuar;
• implante në titan të stampuar;
• implante në titan me sipërfaqe me kokrriza;
• implante në titan me sipërfaqe me kokrriza dhe të acidifikuar;

Rezultatet janë analizuar statistikisht.

Rezultate
Rritja e temperaturës mesatare, 3 mm nënkreshtë, tek implantet qeramike ka rezultuar më e madhe me statistikë të konsiderueshme në krahasim me grupet e implanteve në titan.

Sipas punimeve të sipërfaqes së implanteve në zirkon është verifikuar një diferencë statistikisht e rëndësishme që lidhet me variacionin e temperaturës së regjistruar ndërmjet grupeve: grupi 3 (15,44 ± 3,63 °C), grupi 1 (19,94 ± 3,28 °C) e grupi 2 (19,39 ± 5,73 °C).

Në fakt, ndërmjet grupeve të implanteve në titan variacionet e temperaturës kanë rezultuar të ngjashme për të gjitha sipërfaqet.

Konkluzione
Në bazë të të dhënave të marra nga ky studim, që duhet të konfirmohen me studime të tjera in vitro dhe klinike, mund të dalim në përfundimin se futja e implanteve në zirkon parashikon një farë ngritjeje të temperaturës së kockës përreth.

Implikacione klinike
Për të shmangur nxehjen e kockës përreth gjatë futjes së implanteve qeramike është këshilluar që të ndiqen manovrat e futjes me shpejtësi shumë të ulët.

Për më shumë informacione: Zipprich H, Weigl P, König E, Toderas A, Balaban Ü, Ratka C. Heat generation at the implant-bone interface by insertion of ceramic and titanium implants. J Clin Med 2019 Sep 25;8(10):1541.

Përktheu: Valbona Spahia