Perceptimi i pacientëve për shëndetin e tyre oral e periodontal dhe impakti i tij: një studim kros-seksional në NHS

Nga Lara Figini

Sëmundja periodontale është shumë e përhapur tek individët adultë dhe studime të ndryshme nga literatura tregojnë se ka një impakt negativ në cilësinë e jetës së pacientëve të prekur, duke ndryshuar funksionin oral (duke vështirësuar përtypjen dhe ndonjëherë edhe qartësinë në të folur) dhe mirëqenien psikologjike, përveç pasojave të pakëndshme si halitosis.

Sëmundja periodontale shpesh është shkak për dhimbje, me prova që sugjerojnë që impakti rritet me përkeqësimin e sëmundjes. Është vënë re edhe që sëmundja periodontale mund të jetë e pranishme por me dhimbje dhe me pak simptoma, prandaj të sëmurët mund të mos e vënë re që e kanë këtë sëmundje. Në fakt, studimet e literaturës që kanë krahasuar gjakrrjedhjen gingivale të vetë-raportuar dhe sëmundjen periodontale të vetë-raportuar me gjakrrjedhjen gingivale të parë klinikisht dhe periodontitin, janë nënvlerësuar nga pacienti.

Aftësia e pacientëve për të përcaktuar nëse kanë një sëmundje periodontale ose gjendje të tjera orale si hiperndjeshmëria orale (OR) apo gërryerja e dhëmbëve është thelbësore, sepse njohja e simptomave të sëmundjes lejon individin që të kërkojë ndihmë apo një trajtim. Për më tepër, nëse pacientët janë në gjendje të njohin simptomat e fazës fillestare do të jenë në gjendje të nisin trajtimin përpara me rezultate më të mira.

Tipologjia e kërkimit dhe modaliteti i analizës
Në një studim epidemiologjik multicentrik, të publikuar në British Dental Journal në tetor 2019, te pacientët që frekuentonin SSN në jug-perëndim të Anglisë autorët kanë kërkuar të përcaktojnë ndërgjegjësimin e pacientëve në lidhje me shëndetin e tyre periodontal, të hiperndjeshmërisë së dentinës, të gërryerjes së dhëmbëve të tyre dhe të impaktit që këto patologji mund të kenë në cilësinë e jetës së tyre dhe në shëndetin e tyre oral.

Në këtë studim janë pyetur 814 pacientë adultë, në SSN, për të plotësuar një pyetësor mbi shëndetin oral dhe më pas i janë nënshtruar një ekzaminimi klinik. Janë matur thellësia e sondimit të xhepave periodontalë (në mm), recesionet gingivale (në mm), gjakrrjedhja gingivale (po/jo), hiperndjeshmëria e dentinës (Schiff score po/jo) dhe gërryerja e dhëmbëve.

Rezultate
Pjesëmarrësit kanë rezultuar të jenë frekuentues të rregullt të klinikave dentare, me praktika të mira të higjienës orale dhe një prevalencë të ulët të sëmundjes periodontale (thellësia e sondimit me 4 mm ose më shumë se 25%).

Për të gjitha gjendjet e vlerësuara, të dhënat e vetë-referuara dhe të dhënat klinike kanë rezultuar të jenë të lidhura në mënyrë të konsiderueshme pozitivisht me lidhjet më të mëdha të observuara për hiperndjeshmërinë e dentinës dhe lidhjet më të vogla për gërryerjen e dhëmbëve.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se pacientët e observuar kanë rezultuar të instruktuar dhe të ndërgjegjshëm për shëndetin e tyre oral. Kjo është veçanërisht inkurajuese, sepse në këtë studim grupi janë përfshirë pacientë të SSN.

Megjithatë, studimi ka identifikuar që pacientët nuk janë veçanërisht të sigurt për gërryerjen e dhëmbëve dhe nuk janë në gjendje që të përcaktojnë lehtësisht nëse janë të prekur apo jo.

Implikime klinike
Edhe te popullsitë që kujdesen shumë, gërryerja e dhëmbëve dhe kushtet e tjera shëndetësore janë nënvlerësuar, prandaj nevojitet që stomatologët të kërkojnë vazhdimisht që të edukojnë pacientët e tyre për kujdesin dhe observimin e dhëmbëve e gingivave të tyre dhe mbi pasojat e kujdesit të munguar.

Gërryerja e dhëmbëve, në mënyrë të veçantë është një patologji që po rritet dhe efektet kumulative në kohë mund të influencojnë negativisht mbi funksionin mastikator dhe në aspektin gnatologjik dhe estetik. Dentistët duhet të vlerësojnë rregullisht praninë (ose mungesën) e gërryerjes së dhëmbëve dhe nëse është e pranishme të informohen pacientët për etiologjinë e saj dhe për pasojat.

Për më shumë informacione:
Midwood I, Davies M, Newcombe RG, West N. Patients' perception of their oral and periodontal health and its impact: a cross-sectional study in the NHS. Br Dent J 2019 Oct;227(7):587-93.

Përktheu: Valbona Spahia