Impakti i trajtimeve periodontale jo kirurgjikale në cilësinë e jetës së pacientëve të prekur nga periodontiti

Nga Lara Figini

Koncepti i cilësisë së jetës që lidhet me shëndetin oral (OHRQoL) është futur në mënyrë progresive nga kërkimi periodontal dhe implantar.
Një cilësi e mirë dhe e shkëlqyer e jetës së pacientëve nuk mund të anashkalohet nga një shëndet i mirë dhe i shkëlqyer oral por edhe gjendja e shëndetit oral nuk mund të anashkalojë një gjendje të shëndetit periodontal. Prandaj, tek individët e prekur nga periodontiti një rol të rëndësishëm e luajnë trajtimet periodontale me qëllimin e rikthimit të shëndetit oral.

Tipologjitë e kërkimit dhe modaliteti i analizës
Në një rishikim sistematik, të publikuar në Clinical Oral Investigation në shkurt 2020, autorët kanë vlerësuar impaktin e trajtimit periodontal jo kirurgjikal (NSPT) në cilësinë e jetës që lidhet me shëndetin oral të pacientëve (OHRQoL).
Pyetja e hetuar në këtë rishikim sistematik ka qenë: Te pacientët e prekur nga periodontiti, trajtimi periodontal jo kirurgjikal (NSPT) përmirëson shëndetin oral pra si pasojë përmirëson dhe cilësinë e jetës?

Kërkimi bibliografik mbi këtë argument është kryer nga autorët nëpërmjet pesë databazave (PubMed, CIHNL, Embase, Lilacs e Central) duke rikërkuar studime inherente të publikuara deri në prill 2019. Studimet klinike dhe ata të koohorteve që kanë vlerësuar të dhënat OHRQoL të adultëve me periodontit, që i janë nënshtruar trajtimit periodontal jo kirurgjikal të zgjatur (NSPT), janë vlerësuar për përfshirjen në studim.

Rezultate
Në mënyrë kompleksive janë rekuperuar 491 studime, prej të cilave 19 kanë përmbushur kriteret e përfshirjes. Dy studime klinike të randomizuara (RCT) dhe 10 studime koohorti janë analizuar së fundmi. Në analizën statistikore janë përfshirë shtatë studime koohorti.
Nëngrupet e analizës së studimeve të koohortit kanë zbuluar që NSPT përmirëson mesatarisht 2,49 (IC 95% 0,95-4,02), 8,94 (IC 95% 6,89-10,99) dhe 6,49 (IC 95% 5,11-7,88) nivelet e cilësisë së jetës që lidhet me shëndetin oral të pacientëve (OHRQoL) respektivisht për 1-2 javë, 3-4 javë dhe 6-12 javë pas trajtimit.

Konkluzione
Nga të dhënat e nxjerra nga ky rishikim sistematik, që duhet të konfirmohen me punime të tjera analoge, mund të dalim në përfundimin se procedurat periodontale jo kirurgjikale (NSPT) përmirësojnë dukshëm cilësinë e jetës në lidhje me shëndetin oral për një kohë të shkurtër, deri në 3 muaj pas trajtimit.

Implikime klinike
Ky rishikim sistematik ofron prova të pakëta se procedurat periodontale jo kirurgjikale NSPT përmirësojnë OHRQoL në studimet e adultëve të prekur nga peridontiti për një kohë të shkurtër pas vetë trajtimeve.

Për më shumë informacione:
Botelho J, Machado V, Proença L, Bellini DH, Chambrone L, Alcoforado G, Mendes JJ. The impact of nonsurgical periodontal treatment on oral health-related quality of life: a systematic review and meta-analysis. Clin Oral Investig 2020 Feb;24(2):585-96.

Përktheu: Valbona Spahia