Kostot për trajtimet periodontale afatgjata në raport me shkallën e rëndesës

Sipas klasifikimit të vitit 2018 sëmundjet periodontale klasifikohen në katër stade (I-IV), që marrin në konsideratë: nivelin e sulmit klinik (CAL), humbjen kockore (BL), thellësinë e xhepit (PPD), llojin e rezorbimit kockor BL (vertikal dhe/ose horizontal), përfshirjen e furkacionit, shkallën e rëndesës së sëmundjes së kaluar (numri i dhëmbëve të humbur për shkak të periodontitit) dhe kompleksitetin e menaxhimit.

Pacientët klasifikohen më pas në tre grada (A, B, C), duke u përcaktuar nga norma e progresionit të sëmundjes periodontale gjatë 5 viteve të fundit, duke pasur parasysh edhe lidhjen ndërmjet higjienës orale dhe nivelit të shkatërrimit periodontal apo pranisë së faktorëve të riskut si duhani dhe diabeti melit i pakontrolluar.  

 

Në një studim koohorti të publikuar në Journal of Dentistry në gusht 2020, autorët kanë vlerësuar nëse për pacientët ndryshojnë kostot e trajtimeve afatgjata të periodontitit për stadin III dhe stadin IV apo për shkallën B dhe C.

Janë vlerësuar 231 pacientë me periodontit (të ndjekur mesatarisht për 18,4 vite). Kostot për terapinë periodontale aktive  (APT, që kanë përfshirë pastrimin e gurëzave dhe lëmimin e rrënjës, lembot e hapur, rezeksionet e rrënjëve) dhe për terapinë periodontale mbështetëse (SPT, që ka përfshirë trajtimet restorative, endodontike, protetike dhe kirurgjikale) janë vlerësuar te pacientët me periodontit të trajtuar nga viti 1982 dhe 1998 në Departamentin e Periodontologjisë në Universitetin e Kiel, Gjermani. Është vlerësuar impakti i stadit, shkallës, gjinisë dhe moshës mbi kostot totale dhe vjetore. 

 

Kostot mesatare totale dhe vjetore për trajtimet periodontale (DS) ishin respektivisht, 7154 euro dhe 437 euro. Kostot për 92% kanë rezultuar derivante nga SPT dhe për 88% nga trajtimi periodontal e janë zvogëluar në mënyrë të konsiderueshme në një kohë më të gjatë follow up-i (p <0,001). Kostot totale kanë rezultuar 7120 euro në stadin e III kundrejt 7221 euro në stadin e IV dhe me 6256 euro në gradën B kundrejt 7314 euro në gradën C. Kostot vjetore kanë qenë 426 euro kundrejt 459 euro për stadin III kundrejt stadit IV dhe 308 euro vs 460 euro për gradën B kundrejt gradës C. Grada por jo stadi dhe gjinia por jo mosha kanë rezultuar shumë të lidhura me kostot. 

 

Në limitet e këtij studimi, që duhet të konfirmohen me punime të tjera analoge, mund të dalim në konkluzionin se te pacientët e prekur nga periodontiti i rëndë të trajtuar sistematikisht për një kohë të gjatë, grada por jo stadi i periodontitit lidhej me kostot. 

 

Duke parë kostot e larta të trajtimeve të periodontitit të rëndë progresiv, dentistët duhet të marrin në konsideratë këtë aspekt gjatë planifikimit dhe komunikimit të trajtimit te pacientët.

 

Schwendicke F, Krois J, Engel AS, Seidel M, Graetz C. Long-term periodontitis treatment costs according to the 2018 classification of periodontal diseases. J Dentistry 2020;99:103417.