Omega-3 dhe aspirina si koadjuvantë në trajtimet periodontale te pacientët diabetikë: të dhënat e fundit të një studimi të randomizuar

Nga Lara Figini

Periodontiti është një gjendje inflamatore që lidhen me infeksionin bakterial të modifikuar nga përgjigja e bartësit, që në kombinim me stilin e jetesës dhe faktorët mjedisorë çon në shkatërrimin e indeve periodontale.
Diabeti është një nga faktorët kryesorë të riskut për periodontitin. Tek individët hiperglicemikë, një shërim i ngadaltë i plagës mund të shtojë ndjeshmërinë ndaj periodontitit dhe të dëmtojë qëndrueshmërinë periodontale afatgjatë.
Duke marrë në konsideratë profilin hiperinflamator të pacientëve me diabet është supozuar se trajtimet shtesë që modulojnë përgjigjen e bartësit mund të përfaqësojnë një zgjidhje të mirë dhe një trajtim terapeutik efikas për këta pacientë.
Prandaj integrimi me acide të polinsaturuara omega-3 (ω - 3 PUFA dhe aspirinë me dozë të ulët (ASA) është propozuar si regjim modulimi për bartësin, për të kontrolluar sëmundjet inflamatore kronike, ndërmjet të cilave edhe periodontitin.

Tipologjia e kërkimit dhe modaliteti i analizës
Në një studim të randomizuar të kontrolluar, të publikuar në Journal of Periodontology në tetor 2020, autorët kanë hetuar impaktin klinik dhe imunologjik të ω - 3 PUFA dhe ASA të administruar në rrugë orale si koadjuvantë të debridement periodontal për trajtimin e periodontitit te pacientët me diabet mielit të tipit 2.
Shtatëdhjetë e pesë pacientë (n=25/grup) janë ndarë në mënyrë rastësore në njërin prej grupeve:
- Grupi i kontrollit (CG), placebo dhe debridement periodontal;
- Grupi i testit 1 (TG1), debridement periodontal dhe administrim i ω - 3 PUFA + ASA (3 gr vaj peshku/ditë + 100 mg ASA/ditë për 2 muaj) pas trajtimit periodontal;
-Grupi i testit 2 (TG2), debridement periodontal dhe administrim i ω - 3 PUFA + ASA (3 gr vaj peshku/ditë + 100 mg ASA/ditë për 2 muaj) përpara debridement.

Parametrat periodontalë dhe fluidi krevikular GCF janë grumbulluar në kohën bazale (T0), 3 muaj pas debridement peridontal dhe ω - 3 PUFA + ASA ose placebo për TG1 dhe CG (T1), pas ω - 3 PUFA + ASA (përpara debridement periodontal) për TG2 (T1) dhe 6 muaj pas debridement periodontal (të gjithë grupet) (T2). Fluidi krevikular GCF është analizuar për nivelet e citokinave nëpërmjet testit ELISA multiplex.

Rezultate
Dhjetë pacientë (40%) në TG1 dhe nëntë pacientë (36%) në TG2 kanë arritur endpoint klinik për trajtimin (me katër pjesë me thellësi sondimi ≥ 5 mm), në krahasim me katër (16%) në grupin e kontrollit CG.
Për TG1 është parë një fitim i sulmit klinik qoftë për xhepat e moderuar qoftë për ata të thellë.

Nivelet e marker inflamatorë të interferonit IFN-γ dhe interleukina (IL)-8 janë ulur me kalimin e kohës te të dy grupet eksperimentale. Nivelet e interleukinës IL-6 kanë rezultuar inferiorë për TG1, ashtu si edhe nivelet e hemoglobinës së glikuar HbA1c.

Konkluzione
Nga të dhënat e këtij studimi, që duhet të konfirmohen me punime të tjera analoge, mund të dalim në përfundimin që administrimi shtesë i ω - 3 PUFA dhe ASA pas debridement periodontal ofron rezultate klinike dhe përfitime imunologjike për trajtimin e periodontitit te pacientët me diabet të tipit 2.

Implikime klinike
Rezultatet e këtij studimi klinik të randomizuar sugjerojnë integrimin ditor me ω - 3 PUFA dhe ASA me dozim të ulët në 2 muajt pas debridement periodontal te pacientët me diabet të tipit 2 për të arritur rezultate më të mira klinike periodontale.

Për më shumë informacione:
Castro Dos Santos NC et al.Omega-3 PUFA and aspirin as adjuncts to periodontal debridement in patients with periodontitis and type 2 diabetes mellitus: randomized clinical trial. J Periodontol 2020;91(10):1318-27.

Përktheu: Valbona Spahia