Sëmundja periodontale në shtatzëni

Te njerëzit kohëzgjatja normale e shtatzënisë është rreth 40 javë. Fillimi i komplikacioneve gjatë kësaj periudhe mund të provokojë shkëputjen e parakohshme të membranës amniotike duke shkaktuar lindjen e parakohshme dhe nënpeshë të foshnjës. Përkufizohet si lindje e parakohshme (preterm delivery ose PTD) një lindje që verifikohet përpara javës së 37 të shtatzënisë dhe që zakonisht sjell një peshë të foshnjës më të vogël se norma (preterm low birth weight, PLBW) rreth 2500 gr. Kjo është një patologji e rëndësishme ostetrike që prek 5 - 11% të shtatzënave dhe lidhet me një sëmundshmëri dhe vdekshmëri foshnjore, por që ka një rëndësi të madhe sidomos për rrezikun e vdekjes pas një farë kohe të fëmijëve që arrijnë të mbijetojnë.

Duke u bazuar tek një lidhje midis sëmundjes periodontale, lindjes së parakohshme dhe lindjes së foshnjës nënpeshë (PLBW), ky studim propozon vlerësimin e mundshëm të rolit që gjendja periodontale mund të ketë tek gruaja shtatzënë në patogjenezën e lindjes së parakohshme dhe tek lindjet nënpeshë.

Infeksioni periodontal, në fakt, duke vepruar si burim i rezervave bakteriale, endotoksinave dhe ndërmjetësuesve të inflamacionit, mund të shkaktojë efekte te fetusi dhe te mjedisi fiziologjik.
Studimi ka marrë në ekzaminim 50 gra, secila prej tyre i është nënshtruar një pyetësori dhe kanë kryer një ekzaminim për sëmundje periodontale intraorale.

Dhe nga rezultatet e arrira është parë sesi gjendjet periodontale të grave shtatzëna përmirësohet në krahasim me të shkuarën dhe sesi rritet rreziku i PLBW i grave primparous dhe multipaorus me aborte spontane të mëparshme.

Kujdesit oral dhe parodontal po i jepet gjithnjë e më shumë rëndësi në programet e "prenatal care" dhe numri i vizitave paralindjes është konsideruar një faktor mbrojtës për zhvillimin e efekteve anësore në shtatzëni.

Gjendja periodontale nuk rezulton si shkaktare as për kohëzgjatjen e shtatzënisë as për peshën e foshnjës.