Vitamina D, thelbësore për një shëndet të mirë oral

Në revistën ndërkombëtare Endocrine Reviews u publikuan udhëzimet mbi mënyrën e përdorimit të vitaminës D dhe u theksua rëndësia e saj për një shëndet të...

Në revistën ndërkombëtare Endocrine Reviews u publikuan udhëzimet mbi mënyrën e përdorimit të vitaminës D dhe u theksua rëndësia e saj për një shëndet të mirë oral. Ato janë përfundimet e arritura nga Konferenca mbi Kontroversitë e Vitaminës D, e cila synon analizimin e aspekteve klinike më të rëndësishme të vitaminës D, evidencat më moderne, duke diskutuar edhe pikëpamjet e ndryshme mbi përdorimin e saj.

Nivelet e vitaminës D kanë një rëndësi të veçantë edhe në shëndetin oral në mosha të ndryshme. Sipas një analize literature, theksohet ndikimi i mundshëm i vitaminës D prenatale në shëndetin dentar të fëmijëve, si dhe rëndësia e niveleve të duhura të vitaminës D gjatë shtatzënisë.

Gjatë rritjes dhe në moshë madhore, mungesa e kësaj vitamine lidhet me patologji që cenojnë shëndetin oral dhe nivelet e ulëta në gjak mund të përshpejtojnë përparimin e tyre. Te fëmijët, mungesa e theksuar mund të shkaktojë mineralizim difektoz të dhëmbëve, me dëmtim të dentinës dhe smaltit, si dhe me shtim të rrezikut për shfaqje dhe përparim të kariesit.

Mungesa e vitaminës D lidhet edhe me një prevalencë më të madhe të rrezikut për periodontit dhe inflamacion gingivar.

Disa evidenca shkencore kanë demonstruar se lidhja ndërmjet mungesës së vitaminës D përmes integrimit të saj mund të kontribuojë në një trajtim të suksesshëm të periodontitit. Nga ana tjetër, procedurat e kryera të rigjenerimit kockor alveolar nuk kanë rezultuar të favorshme. Vitamina D mund të lidhet edhe me patologji të tjera orale, si tumoret dhe osteonekrozat e nofullave. Pra, si përfundim, ajo luan një rol thelbësor në ruajtjen e një shëndeti të mirë oral.