Mikrorobotika në endodonci: një vështrim në të ardhmen

Mikroorganizmat janë faktori kryesor etiologjik i periodontitit apikal: objektivi i trajtimit endodontik është parandalimi dhe eliminimi i infeksionit duke...

Mikroorganizmat janë faktori kryesor etiologjik i periodontitit apikal: objektivi i trajtimit endodontik është parandalimi dhe eliminimi i infeksionit duke i hequr ato.

Përparimet në mikrorobotikë po ofrojnë mundësi të reja terapeutike dhe diagnostikimi me saktësi dhe efikasitet të lartë për përballimin e problematikave aktuale dhe sfidave në lidhje me biofilmin në biomjekësi. Gjatë viteve të fundit janë zhvilluar robotë magnetikë për përballimin e sfidave të dezinfektimit dhe për përmirësimin e efikasitetit dhe saktësisë së terapisë endodontike.

Në një analizë të publikuar në International Endodontic Journal, autorët kanë ilustruar përparimet e mikrorobotikës në sektorin e shëndetësisë e sidomos në dezinfektimin në endodonci.

Mikrorobotika mjekësore është një fushë e re, që ofron zgjidhje novatore dhe të sakta për diagnostikimin dhe trajtimin e infeksioneve nga biofilmi në fusha të ndryshme të biomjekësisë, përfshirë edhe endodoncinë.

Në këtë analizë ilustrohen përparimet e mikro/nanorobotëve magnetikë shumëfunksionalë, që mund të aplikohen në endodonci në të ardhmen. Mikrorobotët endodontikë rezultuan premtuese në arritjen e hapësirave anatomike me qasje të vështirë, me qëllim shkatërrimin e biofilmave dhe vrasjen e baktereve rezistente duke përdorur metoda kimke dhe termike duke përftuar të dhëna të mikrobiomës për analizë.

Ditët e sotme, ekzistojnë sisteme të mikrorobotikës që përdorin nanogrimca të oksidit të hekurit (IONP), të cilat, nën kontrollin e fushës magnetike, formojnë agregate mikro të nxehta, që janë në gjendje të lundrojnë në brendësi të sistemit të kanaleve të rrënjës për shkatërrimin e biofilmit dhe për rikuperimin e tyre në kampione mikrobiologjike.

IONP mund të vendosen edhe në brendësi të elikoideve në 3D, të cilat mund të arrijnë me shpejtësi apikalin e tretë në brendësi të kanalit me avantazhe të ndryshme të mundshme, si shkatërrimi i biofilmit dhe dërgimi i barnave të caktuara në vend.

Gjithashtu, nanorobotët me silic elikoidal janë shfaqur potenciale në depërtimin në thellësi të tubulave të dentinës, me qëllim eliminimin e infeksioneve të pranishme aty, përmes hipertermisë magnetike. Përdorimi i mikrorobotëve të biodegradueshëm, apo të rikuperueshëm mund të përbëjë avantazh, por nevojiten eksperimente in vivo mbi biopërshtatshmërinë dhe destinacionin e mikrorobotëve të mbetur, jo të rikuperuar.
Kohëzgjatja e efektit të mikrorobotëve endodontikë bazohet kryesisht në sistemet e jashtme të veprimit magnetik, që ofrojnë kontroll mbi lëvizjen e mikrorobotëve dhe mbi funksionalitetin e shkatërrimit të biofilmit.

Për më tepër, duke futur automatizimin në këto sisteme me algoritma të thjeshtë, mund të përftohet një trajtim i automatizuar rutinë, duke ofruar mundësi të tjera të personalizuara mbi kohëzgjatjen e trajtimit. Inkorporimi i matifikuesve mund të ofrojë informacione mbi pozicionin e robotit në brendësi të kanalit, duke përdorur imazheritë radiografike klinike aktuale. Megjithatë, duhet të vlerësohet lokalizimi në kohë reale dhe të monitorohet pozicioni i robotit dhe funksioni i tij.

Një nga vështirësitë kryesore për t'u përballuar është gjurmimi në kohë reale dhe nevoja për të pasur imazhe me shpejtësi të madhe zgjidhjeje. Në fushën e mikrorobotikës mjekësore, po thellohet vizualizimi me metoda si rezonanca magnetike, ultratingujt, rrezatimet (radiografi konvenzionale dhe tomografi e kompjuterizuar me fashë konike) dhe endoskopia.

Nga të dhënat e këtij studimi, arrihet në përfundimin se përparimet në mikrorobotikë po sjellin rezultate dhe mundësi diagnostikimi dhe trajtimi, deri më tani të paimagjinueshme në trajtimin me efikasitet dhe kontroll shumë të saktë të infeksioneve për shkak të biofilmave në të gjithë sistemin kanalar kompleks.

Sistemet e mikrorobiotës shumëfunksionale janë shfaqur premtuese në tejkalimin e kufizimeve të dezinfektimit aktual, duke shkatërruar dhe eliminuar me efikasitet biofilmin, aty ku mjetet e biomekanikës konvencionale nuk arrijnë të pastrojnë për shkak të kompleksitetit anatomik.
Përveç dezinfektimit të kanaleve të rrënjës, këto sisteme ofrojnë edhe funksionalitet për administrimin e synuar të barnave dhe marrjen e kampioneve.

Edhe pse mikrorobotët po shfaqin rezultate premtuese në tejkalimin e kufizimeve të dezinfektimit aktual dhe në diagnostikimin në endodonci, kjo teknologji në zhvillim, është testuar vetëm në fazë paraklinike.