Komunikimi, thelbësor edhe në trajtimin e parodontitit apikal. Për pacientin është i rëndësishëm raporti i besimit dhe ruajtja e dhëmbit natyral

"Dentistët duhet të respektojnë mendimet e pacientit për sa i përket rezultateve estetike për jetëgjatësinë e këtyre rezultateve dhe të kostove që lidhen me opsionet e ndryshme të trajtimit të dhëmbëve me parodontit apikal." Këtë afirmojnë Amir Azarpazhooh dhe kolegët e tij të Universitetit të Torontos në komentimin e rezultateve të dy sondazheve që kërkuesit kanadezë kanë kryer te pacientët, me një total prej 1000 të pyeturish dhe të dy sondazheve të tjerë drejtuar dentistëve: 1983 të përgjithshëm dhe 498 specialistë në endodonci, parodontologji, prostodonci dhe kirurgji orale e maksilo-faciale.

Në veçanti hetimi ka treguar si vlera të veçanta, gjatë planifikimit të trajtimit të parodontitit apikal, komunikimin dhe besimin midis pacientit dhe dentistit dhe ruajtjen e dhëmbit natyral kur është e mundur.
Nga pikëpamja e pacientit, rëndësia më e madhe i përket pikërisht komunikimit dhe ndjesisë për t'i besuar dentistit: përqindja e këtij parametri ka arritur 94%, duke kaluar konservimin e dhëmbit (90%), rezultatin estetik (84%, pavarësisht nga pozicioni i dhëmbit), kosto (83%), jetëgjatësia e rezultateve (83%) dhe dhimbja para ndërhyrjes (81%).

"Një komunikim efikas midis pacientit dhe dentistit - shprehen autorët e studimit - nuk sjell vetëm mundësimin e shpjegimeve për sa i përket shkaqeve të sëmundjes dhe mundësive të ndryshme të trajtimit me rreziqet përkatëse, kohët, kostot dhe përfitimet, por do të thotë të vendosësh në veprim një sjellje të bazuar mbi empatinë, të dëgjuarin, kuptimin dhe sigurinë. Vetëm në këtë mënyrë mund të zhduken keqkuptimet e mundshme dhe të reduktohet frika e ndërhyrjes së dentistit. Edhe nëse kjo vlerë është shfaqur si më e rëndësishmja, sondazhi nuk lejon marrjen e udhëzimeve se si një komunikim i mirë mund të ketë impakt mbi preferencat e trajtimit nga ana e pacientit."

Përgjigjet e mundësuara nga dentistët janë shfaqur në thelb në të njëjtën linjë me ato të pacientëve, megjithatë ka pasur ndryshime për sa i përket rëndësisë që i atribuohet vlerave të ndryshme. Dentistët kanë parë veçanërisht të dobishëm faktin se pacientët nëpërmjet një eksperience të mëparshme në zgjedhje, nëpërmjet një liste të mundësive terapeutike, kanë konsideruar megjithatë thelbësore që mos të ndienin dhimbje gjatë trajtimit. Më tej dentistët kanë shprehur shqetësime të tipit ekonomik, duke konsideruar shumë të rëndësishëm faktin se pacientët duhet të disponojnë një sigurim që të mbulojë kostot e terapive.

Adelmo Calatroni

Për më tepër: Azarpazhooh A, Dao T, Ungar WJ, Da Costa J, Figueiredo R, Krahn M, Friedman S. Patients' Values Related to Treatment Options for Teeth with Apical Periodontitis. J Endod. 2016 Mar;42(3):365-70.

Përktheu: Erjola Taga