Nga një studim vjen një membranë e re me bazë ampiciline dhe metronidazoli për përdorim parodontal

Një trajtim i përhapur tashmë gjerësisht si dhe i përkufizuar mirë në terapinë parodontale është aplikimi i antibiotikëve koadjuvantë për supresionin e specieve bakteriale parodontale - patogjene pas heqjes mekanike të biofilmit (Pavia 2004; Sigusch 2001). Për të shmangur efektet anësore sistemike të padëshiruara të antibiotikëve dhe për të arritur një efekt të fortë në lezionin parodontal, së fundmi janë futur sisteme të shpërndarjes së barnave me anë të metodës së "electrospinning" me veprim antibakterial lokal.

Substancat që janë aktualisht të disponueshme për aplikime lokale, që përmbajnë një antibiotik, për fat të keq kanë treguar se janë efikase vetëm për një spektër të reduktuar bakteresh periodonto-patogjenike dhe pothuajse nuk kanë fare efekt te Aggregatibacter Actinomicetemcomitans, agjenti patogjen kyç i parodontitit agresiv [Pavia 2004 Fine 2010, Schreiner 2013]. Pra në këtë rast, përdoret, në nivel sistemik, metronidazoli i shoqëruar me amoksicilinë, duke qenë se spektri i aktivitetit të tij përfshin edhe speciet bakteriale anaerobe fakultative. Megjithatë, për aplikimin lokal, nuk është parë asnjë formë e përshtatshme e kombinimit të antibiotikëve në fushën klinike.

Por nga një studim i fundit i laboratorit të publikuar në Dental Materials në gusht 2016 duket se ky shoqërim në nivel lokal jep rezultate të shkëlqyera edhe në supresionin e A. actinomycetemcomitans.
Me ndihmën e teknikës së avancuar të multijet electrospinning autorët në këtë studim, kanë provuar për herë të parë të përgatitin membranë në fibra me kombinimin e amplicilinës (AMP) dhe metronidazolit (MNZ), si dhe kanë vlerësuar efikasitetin e tyre kundër A. actinomycetemcomitans dhe efektivitetin në lëshimin e këtyre antibiotikëve në nivel lokal. Përveç kësaj kanë dashur të përjashtojnë një ndikim citotoksik të këtyre sistemeve të reja të administrimit të barnave në fibroblastet gingivale humane.

Për testin in vitro autorët kanë realizuar tre membrana të ndryshme të përbëra nga:
- një sistem me një fibër (SFW) me përqendrime të ndryshme të Na - ampicilinë
- një përzierje barnash në një monofibër (SFW mix) me metronidazol (MNZ, 2- (2-metil-5-nitro-1H-imidazol-1-il) metanol, (FARGON GmbH & Co. KG Barsbüttel, Gjermani) dhe Na - Ampicilina e kombinuar në një fibër;
- një përzierje barnash në dy fibra (DFW mix), ku secila fibër përmban përkatësisht një antibiotik, metronidazol dhe ampicilinë.
Në grupin e membranave SFW ampicilina është vendosur me përqendrim 0,1; 0,5; 1,5; 10; 20; 30 dhe 40m%. membranat e grupit SFW mix janë vendosur me kombinimin e ampicilinës dhe metronidazolit në përqindje 20/20 m%. Në grupin DFW mix, agjentët aktivë janë integruar me proporcione 20 m% secili për çdo fibër. Një grup membranash pa antibiotikë ka përbërë grupin e kontrollit negativ.

Kromatografia e lëngshme me performancë të lartë HPLC është përdorur për të matur sasinë e antibiotikut të lëshuar. Testi i përhapjes së agarit është përdorur për të siguruar efektin antibakterial mbi A. actinomycetemcomitans, Fusobacteriumnucleatum, Porphyromonas gingivalis dhe Enterococcus faecalis. Testi i kuq neutral është përdorur pët të ekzaminuar citokompatibilitetin kundrejt fibroblasteve gingivale humane (hGFs).
Rezultatet e marra nga autorët e këtij studimi laboratorik ishin si më poshtë:
Lëshimi i agjentëve aktivë ndryshon në varësi të përqendrimeve të antibiotikëve të futur fillimisht në membrana, por edhe me shpërndarjen e agjentëve aktivë në një ose dy fibra. Në grupin SFW mix lëshimi i metronidazolit dhe ampicilinës është në një rezultat midis >60% dhe >70% respektivisht në 5 minutat e para dhe 76% dhe 71% respektivisht pas 96 orëve. Me këto përqendrime antibiotikësh të lëshuara nga membrana (≥5 m%), është arritur një efekt antibakterial te A. actinomycetemcomitans dhe te të gjitha speciet bakteriale të testuara. Nuk është gjetur ndonjë citotoksicitet te fibroblastet gingivale humane (hGFs).
Por janë të nevojshme studime të mëtejshme për të konfirmuar të dhënat e marra në këtë studim in vitro.

Nën kujdesin e: Lara Figini, Koordinatore Shkencore e Ododntoiatria33

Bibliografia:
- Pavia M, Nobile CG, Bianco A, Angelillo IF. Meta-analysis oflocal metronidazole in the treatment of chronicperiodontitis. J Periodontol 2004;75:830-8.
- Sigusch B, Beier M, Klinger G, Pfister W, Glockmann E. A2-step non-surgical procedure and systemic antibiotics inthe treatment of rapidly progressive periodontitis. JPeriodontol 2001;72:275-83.
- Fine DH, Markowitz K, Furgang D, Velliyagounder K.Aggregatibacter actinomycetemcomitans as an early colonizer oforal tissues: epithelium as a reservoir? J Clin Microbiol2010;48:4464-73.
- Schreiner H, Li Y, Cline J, Tsiagbe VK, Fine DH. A Comparisonof Aggregatibacter actinomycetemcomitans (Aa) virulence traitsin a rat model for periodontal disease. PLOS ONE 2013;8:e69382.
- Dent Mater.2016 Aug;32(8):951-60. Development of novel electrospun dual-drug fiber mats loaded with a combination of ampicillin and metronidazole. Schkarpetkin D,Reise M,Wyrwa R,Völpel A,Berg A,Schweder M,Schnabelrauch M,Watts DC,Sigusch BW

Përktheu: Valbona Spahia