Parodontologjia: eksperimentime të reja rreth pluhurit të glicinës

Kërkimi i materialeve të reja ka të bëjë edhe me fushën e parodontologjisë: ndër më premtuesit në këtë sektor është pluhuri i glicinës që, "i fryrë" më një lëshues ajri në xhepat parodontal dhe në indet orale, arrin të heqë në mënyrë efikase biofilmin pa i dëmtuar ato. Për atë që nuk kishim akoma prova të mjaftueshme, ishte që nëse pluhuri i glicinës do të ishte efikas edhe për pastrimin e xhepave parodontal të thellë apo jo: dëshmia sot ekziston dhe gjendet në një studim të realizuar nga një grup kërkuesish amerikanë dhe i publikuar në Journal of Periodontology.

Eksperimentimi ka përfshirë 30 pacientë me xhepa parodontal më thellësi nga 4 në 9 mm dhe ka parashikuar trajtimin e 15 personave me pluhur glicine dhe të 15 të tjerëve me heqjen e gurëzave dhe planifikimin radikolar me përdorimin e curettes. Rezultatet thonë se trajtimi me pluhur glicine ka dëshmuar efikasitet më të madh në pastrimin e xhepave parodontal të thellë dhe është më i shpejtë krahasuar me metodën tradicionale. Trajtimi me pluhur glicine është perceptuar nga pacientët përgjithësisht i durueshëm dhe fakti që nuk ka shkaktuar efekte anësore ka provuar siguri.

"Falë veprimit të tij minimal abraziv" kanë shkruar kërkuesit, "pluhuri i glicinës mund të përdoret për të trajtuar sipërfaqet e ekspozuara radikolare, indet e buta orale dhe materialet implantare dhe restorative pa shkaktuar dëmtim. Risku i heqjes së tepërt të indit radikolar është në fakt minimal krahasuar me përdorimin e instrumenteve manuale apo të sondës sonike dhe ultrasonike dhe në të njëjtën mënyrë epiteli gingival i ekspozuar ndaj veprimit të pluhurit të glicinës shfaq shenja minimale të erozionit në krahasim me indet që i janë nënshtruar veprimit të pluhurit të bikarbonatit dhe curettes.

"
Kërkuesit në fakt nuk e kanë përdorur pluhurin e glicinës vetëm në zonat subgingivale por edhe në ato supragingivale: me këtë metodë kanë trajtuar sipërfaqet dentare për të hequr biofilmin dhe njollat, indet e mukozës labiale dhe bukale, sipërfaqet e qiellzës dhe të gjuhës; për pastrimin e xhepave parodontal me thellësi nën 4 mm, gjithashtu mjeti është pozicionuar sipër gingivës duke drejtuar fryrjen në brendësi të xhepit.
Për sa i përket sigurisë së trajtimit në fund kërkuesit kanë shkruar se "studimet konkordojnë në provimin se pluhuri i glicinës është më pak abraziv se trajtimi me pluhur bikarbonati sepse prodhon më pak ashpërsi në sipërfaqet e materialeve restorative të izoluesve dhe të materialeve që përbëjnë aparatet ortodontike."

Randomized Controlled Trial Assessing Efficacy and Safety of Glycine Powder Air Polishing in Moderate-to-Deep Periodontal Pockets
J Periodontol 2012;83(4):444-52.