Lidhja midis arteriosklerozës së karotides dhe sëmundjes periodontale

Debora Bellinzani

Njohuritë që kanë të bëjnë me lidhjen midis sëmundjes periodontale dhe funksionimit të sistemit kardioqarkullues bëhen gjithmonë e më të shumta: një grup kërkuesish austriakë i ka pasuruar kohët e fundit me provën që prania e kësaj patologjie të zgavrës së gojës është e lidhur ngushtë me përparimin e arteriosklerozës së karotides.
"Jemi nisur nga presupozimi se faktorët e riskut të arteriosklerozës së karotides të njohur dhe të konsideruar në mënyrë konvencionale si për shembull mosha, përdorimi i duhanit dhe prania e diabetit, kuptojnë zhvillimin dhe progresin e patologjisë për një masë të vlerësuar vetëm me rreth 50%" afirmon Martin Shillinger kërkues pranë Divizionit të angiologjisë të Shkollës së mjekësisë të Universitetit të Vjenës, Austri. "I jemi dedikuar kështu studimit të faktorëve të tjerë, si prania e një procesi inflamator në zgavrën e gojës, që të linin të hamendësoje një lidhje me arteriosklerozën e karotides".

Studimi që ka përfshirë 411 pacientë të rekrutuar nga një kërkim më i gjerë mbi arteriosklerozën është publikuar nga revista Stroke. "Shtatë muaj e gjysmë nga fillimi i hetimit 48 individë, pra 11,7% e kampionit kanë treguar sinjale të progresionit të arteriosklerozës së karotides nga e cila ishin prekur. Ky progresion është treguar i pavarur në krahasim me faktorët e riskut të konsideruar tradicionalisht dhe në fakt të lidhur ngushtë me gjendjen e shëndetit të zgavrës së gojës së pacientëve" shpjegon kërkuesi; "në veçanti prania e inflamacionit dhe e sëmundjes periodontale dhe një higjienë orale e lënë pas dore janë elemente që lidhen me patologjinë vaskulare". Marrëdhënia ishte vënë në provë pak muaj më parë nga një studim i kryer në një popullsi më të kufizuar. Realizuar nga kërkues të University of California, Los Angeles (USA) kërkimi kishte krahasuar 18 pacientë me obstruksion të arteries së karotides dhe individë që nuk ishin prekur nga patologjia dhe kishin dëshmuar se pacientët me atheroma në enët e gjakut paraqisnin njëkohësisht dhe numrin më të madh të çrregullimeve të zgavrës së gojës. "Çrregullime dentare të patrajtuara dëshmojnë se janë në gjendje të shpejtojnë procesin arteriosklerotik dhe të rrisin riskun për infarkt," kishin përfunduar kërkuesit; "është kështu e rëndësishme që këta lloj pacientësh t'i nënshtrohen vizitave stomatologjike të rregullta dhe të shpeshta që stomatologu herë pas here të mund të kurojë dhe të heqë burimet e infeksionit".

Burimi: Odontoiatria33

Përktheu: Erjola Taga