Validimi i një metode për vlerësimin e riskut periodontal. Punim italian në Journal of Clinical Periodontology

Qendra Ndër-dikasteriale e Kërkimit për Studimin e Sëmundjeve Periodontale dhe Peri-implantare të Universitetit të Ferrara-s (drejtor: prof. L. Trombelli) dhe Departamenti i Periodontologjisë i Universitetit të Bolonjës (prof. L. Checchi) kanë publikuar kohët e fundit në Journal of Clinical Periodontology një studim që shënon një fazë të rëndësishme të një dege të kërkimit, të cilit prof. Trombelli dhe grupi i tij i dedikohen tashmë prej 10 vitesh: vlerësimi i riskut periodontal. Kërkimi, për më tepër, ka marrë tashmë këtë vit një mirënjohje të rëndësishme nga ana e komunitetit shkencor me marrjen e çmimit "H.M Goldman" për kërkimin më të mirë klinik në periodontologji nga ana e Shoqërisë Italiane të Periodontologjisë dhe Implantologjisë (S.I.d.P).

Në periodontologji të jesh në risk për periodontit do të thotë të kesh një probabilitet më të madh për incidencë të sëmundjes (nëse jeni të shëndetshëm nga ana periodontale) ose të shkatërrimit progresiv të suportit periodontal dhe humbje të vazhdueshme të dhëmbëve (nëse jeni tashmë i sëmurë). Me fjalë të tjera, individët që paraqesin një nivel risku të lartë kanë, në mungesë të trajtimit, probabilitet më të madh të përkeqësimit të vetë gjendjes periodontale në krahasim me pacientët me risk të ulët. Interesi i Prof. Trombelli dhe i grupit të tij të kërkimit për riskun periodontal lind në 2007 kur Universiteti i Ferrara përpunon një metodë objektive për vlerësimin e riskut. Në 2007 në fakt është përpunuar dhe publikuar një sistem që mbi bazën e informacioneve që lidhen me faktorë më të mëdhenj të riskut të periodontitit, lejon kuantifikimin e riskut të pacientit. Në 2009 më pas i njëjti grup kërkimi ka treguar se si metoda mund të përbëjë një instrument më të thjeshtë dhe gjithashtu të kujdesshëm në krahasim me të tjerë që janë tashmë të disponueshëm.

Metoda e propozuar nga Universiteti i Ferrara-s është bazuar në 5 parametra ndër të cilët duhapirja dhe diabeti melit, shenja klinike të sëmundjes me vlerë prognostike (numri i xhepave periodontalë, tregues i gjakrrjedhjes në sondim) dhe parametra të derivuar (raporti midis dhëmbëve me humbje kockore dhe mosha). Në secilin parametër shënohet një pikë (tabela 1-5) dhe shuma algjebrike e pikëve llogaritet dhe lidhet me riskun e pacientit që mund të variojë nga 1 (risk i ulët) në 5 (risk i lartë) (tabela 6).

Në studimin e vlerësuar me çmim nga S.I.d.P dhe të publikuar së fundmi në Journal of Clinical Periodontology, Universitetet e Ferrara-s dhe Bologna-s kanë kryer një vlerësim longitudinal të lidhjes midis pikëve të riskut të gjeneruara në akord me metodën UniFe dhe incidencën ose progresionin e periodontitit. Për këtë qëllim janë përftuar të dhëna që lidhen me një grup të gjerë prej 100 pacientësh që i janë nënshtruar terapisë periodontale aktive pranë dy Universiteteve dhe më pas në vijim janë futur në një program terapie periodontale suporti me kohëzgjatje prej të paktën 4 vjetësh (mesatarja me 5.6 vjet). Të dhënat e publikuara tregojnë se humbja mesatare e elementeve dentare në vijim të terapisë së suportit ka qenë pozitivisht e lidhur me nivelin e riskut të identifikuar me metodën e Universitetit të Ferrara-s në fillim të terapisë së suportit. Pacientët më nivel të ulët risku kanë pasur në fakt një humbje mesatare prej 0 elementesh dentare, ndërsa pacientët me nivel të lartë risku kanë pasur një humbje mesatare prej 1.8 dhëmbësh. Në tërësinë e tyre të dhënat dëshmojnë se metoda e propozuar nga Universiteti i Ferrara-s përbën një instrument me përdorim të shpejtë dhe të thjeshtë për të identifikuar pacientët në risk për të humbur dhëmbë gjatë terapisë periodontale të suportit. Na ana tjetër të dhënat e publikuara tregojnë se edhe humbja mesatare kockore është mbajtur (nën 0.5 mm) për të gjitha kategoritë e riskut duke konfirmuar potencialin e terapisë së suportit në minimizimin e përsëritjes së periodontitit në vijim të trajtimit aktiv.

Autorët: Luigi Checchi, Vittorio Checchi, Roberto Farina, Luigi Minenna, Michele Nieri, Luca Toselli, Leonardo Trombelli, Antonio Zaetta

Autorët: Luigi Checchi, Vittorio Checchi, Roberto Farina, Luigi Minenna, Michele Nieri, Luca Toselli, Leonardo Trombelli, Antonio Zaetta

Autorët: Luigi Checchi, Vittorio Checchi, Roberto Farina, Luigi Minenna, Michele Nieri, Luca Toselli, Leonardo Trombelli, Antonio Zaetta

Përktheu: Erjola Taga