Më pak sëmundje periodontale për ata që hanë kos. Përfitimet duket se janë zbuluar nga kërkimi shkencor

A mund të shmangim sëmundjen periodontale (MP) duke ngrënë kos? Sigurisht që jo, por një kërkim i kohëve të fundit zbulon se kush ha më shumë kos ka më pak mundësi për t'u sëmurë.
Mekanizmi i saktë nuk është i njohur por furnizimi i ulët me kalcium pra me produkte të qumështit, duket se është ndër shkaqet kryesore të MP. Patologjia kronike shumë e përhapur që çon në shkatërrimin e indit lidhor dhe të kockës alveolare përreth dhëmbit.

Studimi i Hye-Sung Kim përgjegjës i Qendrës së Kërkimeve mbi shëndetin Oral pranë Apple Tree Dental Hospital në Goyang (South Korea) është publikuar në revistën PLOS One Più me 6000 persona, me moshë mbi 19 vjeç që janë përfshirë në studimin vëzhgimor të promovuar nga Sistemi Shëndetësor Kombëtar Korean në 2009-n.
Një pyetësor retrospektiv ka zbuluar sasinë ditore të kosit të konsumuar.
Të njëjtët individë i janë nënshtruar më pas një vlerësimi periodontal me matjen e CPI (Community Periodontal Index) në elemente të caktuara dentare. Hetimi ka marrë në konsideratë edhe faktorë të tjerë: mosha, seksi, të ardhurat, niveli kulturor, duhanpirja, lloji i higjienës orale që është praktikuar.
Rezultatet dëshmojnë se pacientët që hanë më pak kos kanë tregues të sëmundjes periodontale (CPI) në mënyrë domethënëse më të lartë.

Asnjë ndryshim domethënës nuk është zbuluar për faktorët e tjerë (mosha, seksi etj.).
Në një shënim, Steven R. Daniel, DDS President i American Academy of Periodotology, deklaron se studimi i Kim vlerëson hipotezën se probiotikët mund të ndihmojnë për të luftuar periodontitin.
Kosi në fakt është i pasur me këto organizma të gjallë (probiotikë) që të administruar në sasi adekuate sjellin një përfitim për shëndetin e bartësit në veçanti inhibojnë rritjen e baktereve që nxisin sëmundjen periodontale.
"Ka hapësirë - përfundon Daniel - për kërkime të mëtejshme të synuara për të studiuar efektet e shtamave të caktuara të probiotokëve në krahasim me të tjerët". Shumë i rëndësishëm do të jetë bashkëpunimi me mjekët për të kuptuar se si zgjedhjet dietike të pacientëve influencojnë shëndetin e gingivave.

Davis Cussotto