Lidhja ndërmjet konsumimit të drogës dhe erozionit dentar

Vlerësohet se afro 275 milionë individë kanë konsumuar droga në të gjithë botën në vitin 2021 dhe parashikohet që kjo shifër të rritet me...

Vlerësohet se afro 275 milionë individë kanë konsumuar droga në të gjithë botën në vitin 2021 dhe parashikohet që kjo shifër të rritet me 11% brenda vitit 2030.

Ky konsum përfshin një mori substancash, përfshirë drogat e forta si heroina, kokaina, metanfetamina dhe ekstazia, me implikime të mëtejshme jo vetëm përsa i përket rreziqeve shëndetësore dhe varësisë, por edhe në lidhje me ndikimin shoqëror.

Ndër pasojat sistemike të mundshme, mund të përmendim kryesisht infarktin, depresionin respirator, cirrozën hepatike dhe nefropatinë. Në këtë kontekst, një shqetësim në rritje shfaqet edhe në lidhje me ndikimet e konsumit të drogave në shëndetin oral, veçanërisht në lidhje me pasojat që lidhen me erozionin dentar.

Kur diskutohet për shëndetin oral të vartësve toksikë, duhet të merren në konsideratë efektet si tharja e fytit dhe mungesat ushqimore, që mund të ndikojnë në mënyrë indirekte në erozionin dentar.
Studimet e literaturës mbi ndikimin e konsumit të dogave në erozionin dentar janë të kufizuara, me rezultate kundërshtuese dhe mungesë qartësie.

Në një analizë të publikuar në Clinical Oral Investigations, autorët analizuan studimet e lidhjes ndërmjet drogave të forta dhe erozionit dentar. Në të u përfshinë 28 studime (4 raste kontrolli, 3 studime të tërthorta, 5 raportime rastesh dhe 16 analiza literaturash). Nga studimet rast kontrolli, 75% konstatuan një lidhje ndërmjet konsumit të drogave dhe erozionit dentar; megjithatë nuk u konstatua asnjë lidhje nga studimet e tërthorta.

Pavarësisht cilësisë së diskutueshme, analizat konfirmojnë lidhjet ndërmjet marrjes së drogave dhe erozionit dentar. Këto studime synonin qartësimin e shkaqeve të mundshme të erozionit dentar.

Nga të dhënat e kësaj analize, arrihet në përfundimin se ekziston një lidhje e mundshme ndërmjet konsumit të drogave të forta dhe erozionit dentar, edhe pse jo e drejtpërdrejtë. Faktorët, si bruksizmi dhe pH salivar i reduktuar mund të kontribuojnë në erozionin dentar te konsumatorët e drogave.

Implikimet klinike
Dentistët nuk duhet të përqendrohen vetëm te karakteristikat klinike të erozionit dentar, por edhe te faktorët e mundshëm ndërmjetësues, si bruksizmi dhe reduktimi i pH salivar për shkak të konsumit të drogave. Kjo qasje krijon mundësinë e të kuptuarit më të detajuar të mekanizmave të erozionit dentar, duke lejuar ndërhyrje të synuara parandaluese dhe terapeutike.